شاہد خاقان اور پرویز اشرف نہ ہوتے تو کاغذات مسترد ہوجاتے: یوسف رضا گیلانی

سابق وزراء اعظم راجہ پرویز اشرف اور یوسف رضا گیلانی کے ہمراہ میڈیا سے گفتگوکرتے ہوئے شاہد خاقان عباسی کا کہنا تھا کہ آئین میں ترمیم کا حق صرف پارلیمنٹ کو ہے، سپریم کورٹ یا الیکشن کمیشن آئین میں ترمیم نہیں کرسکتا، چور دروازے سے قانون سازی کی مخالفت کریں گے۔انہوں نے کہا کہ ووٹ خریدنے اور بیچنے والے پی ٹی آئی کے لوگ ہیں۔انہوں نے کہا کہ سینیٹ الیکشن کیا پاکستان میں تو قومی اور صوبائی الیکشن بھی چوری ہوتے ہیں۔

پیپلز پارٹی کے رہنما اور سابق وزیر اعظم یوسف رضا گیلانی کا کہنا تھا کہ مخالف امیدوار کے پاس دستاویزات نہیں تھیں لیکن انہیں وقت دیا گیا۔،ہماری وقت بڑھانے کی درخواست کو مسترد کردیا گیا،حکومتی ارکان کے کہنے پر وقت بڑھا دیا گیا, شاہد خاقان اور پرویز اشرف نہ ہوتے تو کاغذات مسترد ہوجاتے۔

انہوں نے میرے وکلا نے کہا حفیظ شیخ کے کاغذات چیلنج کرتے ہیں، وہ میری سابقہ کابینہ کا حصہ ہیں، حفیظ شیخ کے خلاف اعتراضات داخل نہیں کرنا چاہتا۔سابق وزیراعظم نے کہا کہ اپوزیشن اراکین کے پروڈکشن آرڈر جاری کیے جائیں، حکومت میرے خلاف پورا زور لگا رہی ہے۔ان کا کہنا تھا کہ چیئرمین سینیٹ الیکشن میں ہمارے 14 ووٹ زیادہ تھے لیکن ہم ہار گئے، حکومت کو اپوزیشن سے بات کرنا ہو گی۔