لیجنڈ اداکارامیتابھ بچن کی نواسی کابالی ووڈسے دُور رہنے کا اعلان

تفصیلات کے مطابق بالی وڈ میں متعدد اداکار اور اداکاراؤں کے بچے اداکاری کے ہی شعبے کا انتخاب کرتے ہیں ،  تاہم   بالی وڈ  لیجنڈ اداکار امیتابھ بچن کی نواسی نویا نویلی نندا   نے اس بات کی تصدیق کی ہے کہ وہ بالی ووڈ میں اپنے نانا امیتابھ بچن کے نقش قدم پر  چلنے کے برعکس  اداکاری کی دنیا میں قدم نہیں رکھنا چاہتیں ۔

نویا جو ایک سرگرم سوشل میڈیا صارف ہیں   اور اکثر انسٹاگرام پر اپنی بچپن کی  تصاویر شئیر کرتی رہتی ہیں ۔    انہوں نے  حال ہی میں انکشاف کیا ہے کہ وہ فلم انڈسٹری کو اپنا کیریئر منتخب کرنے کی بجائے  اپنے والد نکھل نندا کے خاندانی کاروبار کو چلانے  میں دلچسپی رکھتی ہیں۔وہ  اپنے خاندان میں کاروبار سنبھالنے والی چوتھی نسل اور پہلی خاتون ہوں گی اور اپنے پر دادا  ایچ پی نندا کی میراث کو آگے بڑھانے میں اپنا حصہ ڈالنے پر خود پر فخر محسوس کرتی ہیں ۔

خیال رہے  کہ نویا نندا نکھل شویتا بچن نندا کی بیٹی ہیں اور انہوں نے گزشتہ سال فورڈھم یونیورسٹی سے گریجویشن مکمل کیا ہے۔