مکہ مکرمہ : غسل کعبہ کی روح پرور تقریب

تفصیلات کے مطابق گورنر مکہ  شہزادہ خالد الفیصل نے خادم الحرمین شاہ سلمان بن عبدالعزیز کی نیابت میں بیت اللہ شریف کے اندرونی حصے کو عرق گلاب اور آب زم زم سے غسل دیا۔ مسجد الحرام میں اللہ کے گھر کو غسل دینے کی روح پرور تقریب  کاآغاز ڈاکٹر صالح بن زین نے بیت اللہ کا دروزاہ کھول کر کیا۔

   مسجد الحرام کی انتظامیہ کے مطابق  تقریب میں کورونا  سے بچاو کی احتیاطی تدابیر پر عمل  کیاگیا۔غسل کعبہ کے لئے عرق گلاب اور خالص عود سے اندرونی حصے کو معطر کیا گیا ۔ بیت اللہ شریف کے اندر نوافل بھی ادا کیے گئے۔

خیال  رہے مقدس خانہ  کعبہ کے غسل کے لئے استعمال ہونے والے تمام اوزار تانبے  سے بنائے گئے ہیں اور اس خاص مقصد کے لئے  ہی تیار کیا گیا ہے۔ یہ اوزار متعدد آلات پر مشتمل ہیں جس میں چار گیلن کا پیالہ ہے جس کی گنجاش 10لیٹر کی ہے، جس میں غسل کعبہ کے لئے ایک مرکب شامل کیا جاتا ہے۔ اس مرکب کی تیاری کے لئے عمدہ تیل‘ گلا ب کا عطر‘ گلاب کے عرق کو زم زم کے پانی کے ساتھ ملایا جاتا ہے۔طائف گلاب اور امبر کو بھی اس میں شامل کیا جاتا ہے۔