صدرمملکت عارف علوی کا جی ایچ کیوکا دورہ، آئی ایس پی آر

پاک فوج کے شعبہ تعلقات عامہ (آئی ایس پی آر ) کے مطابق  صدرمملکت عارف علوی نے جی ایچ کیوکا دورہ کیا ہے،آرمی چیف جنرل قمرجاوید باجوہ نے صدرمملکت کا استقبال کیا، صدرمملکت عارف علوی کوگارڈ آف آنرپیش کیا گیا۔

آئی ایس پی آر کے مطابق صدراورآرمی چیف کےدرمیان علاقائی صورتحال اورقومی سلامتی امورپربات چیت ہوئی،صدرمملکت نےپاک فوج کی آپریشنل تیاریوں کوسراہا،صدرمملکت کوسائبرسیکیورٹی ودیگرامورپربریفنگ دی گئی۔

آئی ایس پی آر کا کہنا ہے کہ صدرمملکت نےداخلی وخارجہ سیکیورٹی کیلئےپاک فوج کی قربانیوں اورکامیابیوں کوسراہا، اور صدرمملکت نے یادگارشہدا پرپھولوں کی چادرچڑھائی اورفاتحہ خوانی کی۔صدرمملکت نے انفارمیشن ٹیکنالوجی کے شعبے میں فوج کی صلاحیت کی بھی تعریف کی ،صدرمملکت نے دیگرشعبہ جات میں فریقین کے ساتھ ہم آہنگی کے طریقہ کار کو بھی سراہا ہے۔