پی ٹی آئی کو الیکشن کمیشن سے بڑا ریلیف مل گیا

تفصیلات کے مطابق  پاکستان تحریک انصاف (پی ٹی آئی) کو الیکشن کمیشن سے بڑا ریلیف مل گیا، الیکشن کمیشن نے وزیراعظم عمران خان کی انٹراپارٹی انتخابات کے لیے ایک سال کی مہلت کی درخواست منظور کرلی ہے،الیکشن کمیشن نے پی ٹی آئی کو آئندہ برس 13 جون تک انٹراپارٹی انتخابات کرانے کی ہدایت کردی۔

مزید پڑھیں : بھارتی فضائیہ کا مگ 21 طیارہ گر کر تباہ

مزید پڑھیں : مصباح الحق کا کورونا ٹیسٹ مثبت آگیا

الیکشن کمیشن نے خط میں کہا ہے کہ تحریک انصاف پارٹی آئین کے تحت انٹراپارٹی انتخابات ہر 4 سال بعد کرانے کی پابند ہے، پی ٹی آئی کے 2019 کے ترمیم شدہ آئین کے تحت 18 ماہ کے اندر انتخابات کرانے تھے۔وزیراعظم عمران خان نے کورونا وبا کے باعث انٹراپارٹی انتخابات کے لیے ایک سال کی مہلت مانگی تھی۔

خیال رہے کہ  الیکشن کمیشن نے پی ٹی آئی کو مقررہ وقت پر انٹراپارٹی انتخابات نہ کرانے پر شوکاز نوٹس جاری کیا تھا۔الیکشن کمیشن نے وزیراعظم عمران خان سے چودہ دن کے اندر جواب طلب  کیا تھا ۔الیکشن کمیشن نے نوٹس میں کہا تھا کہ  انٹرا پارٹی الیکشن نہ کرانے پر کیوں نہ پارٹی کا انتخابی نشان واپس لے لیا جائے۔