امریکا میں سابق سفیر حسین حقانی کو وطن واپس لانے کا فیصلہ

تفصیلات کے مطابق  ایف آئی اے نے سپیشل کورٹ سنٹرل اسلام آباد میں چالان جمع کرا دیا ہے،عدالت نے حسین حقانی کو اشتہاری قرار دے رکھا ہے۔کیس کی فائل مکمل کر کے ریکارڈ روم میں جمع کرا دی گئی ہے،انٹرپول کو درخواست حسین حقانی کی حوالگی کے لیے درخواست دے دی گئی۔

حسین حقانی کی حوالگی کے لیے ایف آئی اے نے ریڈ نوٹس انٹرپول کے حوالے کر دیا۔ حسین حقانی 2008 سے 2011 امریکہ میں پاکستانی سفیر تعینات رہے ہیں،حسین حقانی نے اپنے اختیارات کا ناجائز استعمال کیا۔حسین حقانی دھوکہ دہی اور بے ضابطگیوں میں ملوث رہے ہیں۔حسین حقانی نے بحثیت سفیر قومی خزانے کو سالانہ 20 لاکھ ڈالر کا نقصان پہنچایا ہے۔