ٹک ٹاک کا ویڈیو کا دورانیہ مزید بڑھانے کا فیصلہ

تفصیلات کے مطابق  ٹیکنالوجی پر نظر رکھنے والے صحافی کا کہنا ہے کہ  ٹک ٹاک نے ویڈیو کے دورانیے کو مزید بڑھانے کا فیصلہ کیا ہے، جس کو  جلد ہی تمام  صارفین  استعمال کرسکیں گے۔

ٹک ٹاک کمپنی   کی جانب سے  ویڈیوز کا دورانیہ 10 منٹ تک بڑھادیا جائے گا ،کچھ صارفین کے پاس  5 منٹ تک ویڈیو اپلوڈ کرنے کی آپشن آرہی ہے،فی الحال اس فیچر کو مخصوص صارفین کو دیا گیا ہے جسے وہ  استعمال کر رہے ہیں ۔اس فیچر کے حوالے سے کمپنی نے کوئی تفصیلات جاری نہیں کی اور نہ ہی اسے متعارف کرانے کی کوئی تاریخ کا حتمی اعلان کیا ہے۔

EVEN LONGER: TikTok also appears to be testing a 10 minute max upload limit! ?? https://t.co/oAaHbB9304 https://t.co/wDIoHJdOCl

— Matt Navarra (@MattNavarra) August 25, 2021

خیال رہے کہ  ٹک ٹاک  کی جانب سے  گزشتہ برس دسمبر میں ویڈیو کا دورانیہ دو سے تین منٹ تک بڑھا دیا  گیا تھا،تاہم اب اس فیچر  کے بعد ویڈیو کے دوراینے کو مزید بڑھایا گیا ہے، اسی لیے چند  مخصوص صارفین کو رواں سال جولائی کے بعد  پانچ منٹ تک کے دورانیے کی ویڈیو شیئر کرنے کی سہولت بھی حاصل ہوئی۔

واضح رہے کہ شروع شروع میں  ٹک ٹاک پر صرف تیس سیکنڈ کی ویڈیو شیئر کرنے کی سہولت تھی، اسی وجہ سے ٹک ٹاک نے بہت کم عرصے میں صارفین کی توجہ حاصل کرلی تھی۔