وزیراعظم کا چاول برآمد کنندگان کو عالمی منڈی میں زیادہ سے زیادہ حصہ حاصل کرنے کیلئے حوصلہ افزائی پر زور

تفصیلات کے مطابق وزیر اعظم عمران خان  نے ان خیالات کا اظہاراسلام آباد میں نیشنل ایکسپورٹ ڈویلپمنٹ بورڈ کے اجلاس کی صدارت کرتے ہوئے کیا۔اجلاس کو بتایا گیا کہ چاول کی بر آمدات کے شعبے میں بہتری کے وسیع امکانات کے پیش نظرزمین کو لیزر کے ذریعے ہموار کرنے اور کاشت اور کٹائی کے جدید طریقے اپنا کر فی ایکڑ پیداوار میں اضافے کے ذریعے چاول کی بر آمدات کے دو ارب ڈالر کے موجودہ حجم کو پانچ ارب ڈالر تک لے جایا جا سکتا ہے۔

وزیر اعظم نے نامیاتی اور بر ائون رائس کی پیداوار پر خصوصی توجہ مرکوز کرنے اور اس چاول کے استعمال کیلئے لوگوں کی حوصلہ افزائی کی ہدایت کی تاکہ ملک میں ذیا بیطس کے مرض میں اضافے کو روکا جاسکے۔انہوں نے متعلقہ حکام کو ہدایت کی کہ چاول کی بر آمدات بڑھانے کیلئے طویل مدتی قرضوں اور برآمدات کی ری فنانسنگ سکیموں پر موثر عمل در آمد کیلئے تمام اقدامات کیے جائیں۔