حکومت نے کورونا وائرس کی ویکسین کی بوسٹر ڈوز کیلئے کتنی فیس مقرر کر دی ہے ؟ اعلان کر دیا گیا

تفصیلات کے مطابق این سی او سی کی جانب سے بوسٹر ڈوز کے لیے فی خوراک 1270 روپے مقرر کردی گئی ہے ، بیرون ممالک سفرکرنے والوں کے لیے اضافی ڈوز کا آغاز کیا جارہا ہے ۔

واضح رہے کہ

نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطا بق  پاکستان میں اب تک 11 لاکھ 44 ہزار 341 کورونا کیسز رپورٹ ہوچکے ہیں جبکہ  مجموعی طور پر اب تک  25 ہزار 415 افراد انتقال کرچکے ہیں۔اس وقت ملک میں فعال کیسز کی تعداد 92 ہزار 844 ہےجبکہ مثبت  کیسزکی شرح6.83 رہی ۔

 ملک کے مختلف حصوں میں  مجموعی  طور پر رپورٹ ہونے والے کیسز اور اموات کی   تعداد کچھ یوں ہے :

 پنجاب: 3 لاکھ  86ہزار 578 کورونا کیسز، 11ہزار 706 اموات

 سندھ: 4لاکھ 27 ہزار 037 کورونا کیسز، 6ہزار 766 اموات

 خیبرپختونخوا: 1لاکھ 59ہزار 483 کورونا کیسز،4ہزار 884اموات

 بلوچستان: 32ہزار 014 کورونا کیسز، 338 اموات

 اسلام آباد: 97ہزار 956 کورونا کیسز، 860 اموات

آزاد کشمیر: 31 ہزار478 کورونا کیسز، 689 اموات

گلگت بلتستان: 9ہزار 795 کورونا کیسز، 172 اموات

 ملک بھرمیں صحت یاب ہونے والے افراد کی تعداد بھی تیزی سے بڑھنے لگی ہے، ملک میں اب تک مجموعی طور پر 10 لاکھ 26 ہزار 82  مریض صحتیاب ہونے میں کامیاب رہے۔

 واضح رہے کہ پاکستان میں کورونا وائرس کا پہلا کیس 26 فروری 2020 کو ملک کے سب سے بڑے شہر کراچی میں سامنے آیا تھا ۔