کابل ایئرپورٹ کے قریب راکٹ حملہ

افغان میڈیا کے مطابق کابل ایئرپورٹ کے قریب خواجہ بگھرا کے علاقے میں راکٹ حملہ ہوا  جبکہ حملے میں بچے سمیت 2 افراد جاں بحق اور 3 زخمی ہیں۔

برطانوی میڈیا کے مطابق دھماکا ائیرپورٹ کے قریب ایک گھر میں ہوا اور ممکنہ طور پر یہ ایک راکٹ حملہ ہے۔

یاد رہے کہ ایک روز قبل امریکی صدر جوبائیڈن نے میڈیا سے گفتگو کرتے ہوئے پیش گوئی کی تھی کہ کابل میں مزید دھماکوں کا امکان ہے، امریکی کمانڈوز کو اس حوالے سے معلومات موصول ہوئیں ہیں۔

انہوں نے بتایا تھا کہ اس سے قبل کابل ایئرپورٹ کے مشرقی دروازے پر ہونے والے دھماکے میں ملوث شدت پسند گروہ داعش کے ٹھکانے کو بھی نشانہ بنایا گیا ہے۔

#BreakingNews !!!
A rocket landed on a house near the Kabul airport, killing a child. source said.
According to News Agencies, this was another Blast near #Kabulairport #KabulBlast #afghanistan #evacuation #Talban pic.twitter.com/EmXWeeJAq7

— Shehroz Azhar (@shehrozazhar1) August 29, 2021

واضح رہے تین روز قبل کابل ایئر پورٹ پر دھماکا ہوا، جس میں 170 سے زائد شہری، امریکی فوجی ہلاک ہوئے، امریکا نے خود کش دھماکوں کے رد عمل میں افغانستان میں ایک ڈرون حملہ کیا، امریکی سینٹرل کمانڈ کے مطابق ننگرہار میں حملے میں داعش خراسان کا ایک رکن مارا گیا، ہلاک داعش رکن امریکا پر حملوں کی منصوبہ بندی میں ملوث تھا۔