کابل چھوڑنے سے پہلے امریکی فوج 73 جنگی طیارے ناکارہ کر گئی

فرانسیسی خبررساں ایجنسی اے ایف پی کے مطابق سینٹرل کمانڈ کے سربراہ جنرل کینتھ میکنزی نے کہا ہے کہ امریکی فوجیوں نے روانگی سے کابل ائیرپورٹ پر موجود 73 جنگی طیارے ناکارہ کردیے ہیں ۔

ان کا کہناتھاکہ وہ طیارے اب کبھی پرواز نہیں بھرسکیں گے ، انہیں کوئی بھی استعمال نہیں کرسکے گا۔

سینڑل کمانڈ کے سربراہ کے مطابق امریکی فوج نے انخلا سے پہلے سات کروڑ ڈالر کی امریکی ڈالرز مالیت کی 70 ایم آر اے پی آرمرڈ ٹیکٹیکل گاڑیاں اور 27 ہموی گاڑیاں ناکارہ بنائی ہیں۔

’یہ گاڑیاں اب کوئی استعمال نہیں کر سکے گا۔

امریکی فوج نے راکٹوں اور مارٹر گولوں سے بچنے کے لیے دفاعی نظام سی ایم بھی کابل ائیرپورٹ پر نصب کیا تھا ، جسے ناکارہ بنا دیا گیا ہے ۔ اس نظآم کی بدولت داعش کے پانچ حملے ناکام بنائے گئے۔