فٹبال سپر سٹار کرسٹیانو رونالڈو نے سب سے زیادہ انٹرنیشنل گولز کا ریکارڈ توڑ دیا

غیر ملکی خبررساں ادارے کے مطابق  سپر سٹار کرسٹیانو رونالڈو نے فٹبال کی تاریخ میں سب سے زیادہ انٹرنیشنل گولز کا ورلڈ ریکارڈ اپنے نام کرلیا ہے،   آئرلینڈ کے خلاف پرتگال کی ٹیم آخری منٹ تک ایک صفر سے ہار رہی تھی۔ کرسٹیانو رونالڈو نے دو گولز کرکے اپنی ٹیم کو یادگار فتح دلادی۔

پرتگالی سٹار نے سب سے زیادہ انٹرنیشنل گولز کا ریکارڈ توڑ دیا ہے،109 انٹرنیشنل گولز کے ساتھ رونالڈو اور ایران کے علی داعی برابر تھے۔پہلے ہاف میں رونالڈو کو پینلٹی کک پر ریکارڈ توڑنے کا موقع ملا  جو انہوں نے ضائع کردیا، دوسرے ہاف کے اختتامی لمحات تک آئرلینڈ کو ایک صفر کی سبقت حاصل تھی،لیکن پھر رونالڈو نے ہیڈر پر گول کرکے میچ برابر کردیا اور ریکارڈ اپنے نام کرلیا۔رونالڈو نے  آخری منٹ میں ایک اور گول کر کے  اپنے گولز کی تعداد 111 کرلی اور پرتگال کو یادگار فتح دلادی۔