طالبان کی حکومت سازی کی تیاریاں مکمل

غیر ملکی خبر ایجنسی کے مطابق طالبان نے جمعہ کے بعد کابل کے صدارتی محل میں اہم ترین اجلاس طلب کرلیا گیا ہے ، جس کی تیاری حتمی مراحل میں داخل ہوچکی ہیں ۔ اس اجلاس میں نئی کابینہ کا اعلان متوقع ہے ، طالبان رہنماؤں کا کہنا ہے کہ نئی حکومت میں خواتین بھی شامل ہوں گی ،

اطلاعات کے مطابق افغانستامن میں نئی حکومت کے سربراہ طالبان کے بانی رہنما اورقطر میں سیاسی دفتر کے سربراہ ملا عبدا الغنی برادر کو بنایا جاسکتا ہے ۔ جب کہ طالبان کے امیر ملا پیبت اللہ اخونزادہ افغانستان کے سپریم لیڈر ہوں گے ۔

ملا عبدالسلام ضعیف کو دوبارہ پاکستان میں سفیر کیا جاسکتا ہے ۔ طالبان کی گزشتہ حکومت میں بھی ملا ضعیف ہی پاکستان میں طالبان کے سفیر تھے تاہم مشرف حکومت نےا نہیں گرفتار کر کے امریکہ کے حوالے کیا تھا ۔

علاوہ ازیں طالبان کی نئی حکومت میں سابق صدر حامد کرزئی ، سابق وزیراعظم مصآلحتی کونسل کے سربراہ ڈاکٹر عبداللہ عبداللہ اور سابق وزیراعظم گلبدین حکمت یار کو بھی اہم ذمہ داریاں سونپی جاسکتی ہیں ۔

قطر میں طالبان کے سایسی دفتر کے نائب شیر محمد عباس ستانکزئی کو افغانستان کا وزیر خارجہ بنایا جاسکتا ہے ۔ حقانی نیٹورک کے سربراہ سراح الدین حقانی اور ملا عمر کے صاحبزادے ملا یعقوب کو بھی کابینہ میں شامل کیا جاسکتا ہے ۔ اس  کے علاوہ ذبیع اللہ مجاہد ، قیوم ذاکر ، صدر ابراہیم ، گل آغا کو بھی نئی افغان کابینہ میں اہم عہدے مل سکتے ہیں ۔