اسرائیل کیساتھ تعلقات استوار نہیں کریں گے  ، سہیل شاہین

غیر ملکی خبر رساں ادارے کو ایک انٹرویو میں دوحہ میں طالبان کے سیاسی دفتر کے ترجمان  سہیل شاہین نے کہاہےکہ طالبان امریکہ کیساتھ ایسے تعلقات کے قیام کا خیرمقدم کرتاہے جو دونوں ممالک کے مفاد میں ہوں۔افغانستان کی تعمیر نو میں امریکا کے ممکنہ کردار کابھی  خیر مقدم کرتے ہیں۔

مزید پڑھیں : جنوبی پنجاب میں پی ٹی آئی کی سیاست کو بڑا دھچکا

سہیل شاہین نے کہا کہ  طالبان اسرائیل کیساتھ تعلقات استوار نہیں کریں گے۔ خطے کے تمام  ممالک،تمام ہمسایہ ممالک اور تمام ایشیائی ممالک  کیساتھ اچھے تعلقات چاہتے ہیں۔

دوسری جانب  افغان طالبان نے نئی حکومت کا اعلان کر دیا ہے،  ملا حسن اخوند وزیر اعظم اور ملاعبدالغنی نائب وزیراعظم ہوں گے۔ترجمان طالبان  ذبیح اللہ مجاہد نے بتایا کہ ملا امیر خان متقی وزیر خارجہ ،سراج حقانی وزیر داخلہ جبکہ مولوی محمد یعقوب مجاہد  کو وزیر دفاع مقرر کیا گیا ہے۔مولوی عبدالحکیم عدالتی امورکودیکھیں گے،ملا ہدایت اللہ وزیر مالیات ، ملاخیر اللہ وزیر اطلاعات  اورقاری دین محمدحنیف قائم مقام وزیرخزانہ ہوں گے۔