شاہین شاہ آفریدی آئی سی سی پلیئر آف دی منتھ کیلئے نامزد

تفصیلات کے مطابق شاہین شاہ آفریدی کو ویسٹ انڈیز کے خلاف ٹیسٹ سیریز میں شاندار بولنگ کرنے کی وجہ سے اگست کے آئی سی سی پلیئر آف دی منتھ کیلئے نامزد کیا گیا ہے ۔

شاہین شاہ جمیکا میں ویسٹ انڈیز کے خلاف ٹیسٹ سیریز کے دوران 18 وکٹیں لینے اور 2021 میں ٹیسٹ فارمیٹ میں اب تک سب سے زیادہ وکٹیں حاصل کرنے والے فاسٹ بولر ہیں۔

آئی سی سی نے اگست کے  آئی سی سی پلیئر آف دی منتھ کیلئے  پاکستانی فاسٹ بولر  کے ساتھ انگلش کپتان جو روٹ اور بھارتی بولر جسپریت بمراہ کو بھی نامزد کیا ہے ۔

آئی سی سی پلیئر آف دی منتھ کا اعلان 13 ستمبر کو کیا جائے گا۔