این سی او سی کا تعلیمی ادارےمزیدایک ہفتےبندرکھنےکافیصلہ

ذرائع  کے مطابق نیشنل کمانڈ اینڈ آپریشن سینٹر (این سی او سی )نے کورونا پابندیوں میں ایک ہفتے کی توسیع کا فیصلہ کرلیا ہے، این سی او سی کا تعلیمی ادارےمزیدایک ہفتےبندرکھنےکا بھی فیصلہ،27 حساس اضلاع میں تعلیمی ادارےایک ہفتہ مزیدبندرہیں گے۔

مزید پڑھیں : طالبان نے امریکا پر امن معاہدے کی خلاف ورزی کا الزام عائد کردیا

ذرائع کا کہنا  ہے کہ  توسیع کا فیصلہ کورونا صورتحال اور ہیلتھ سسٹم پردباؤ کےپیش نظرہوا، کورونا کی پابندیوں کااطلاق ملک بھر کے 27 حساس اضلاع پرہوگا۔

خیال رہے کہ 29 اگست کوکورونا پابندیوں کی 13 سے 27 اضلاع تک توسیع ہوئی تھی،  کوروناکی پابندیوں کا اطلاق 4 سے 12 ستمبر تک کیلئے کیا گیا تھا۔

نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق  ملک میں  اموات کی مجموعی تعداد26ہزار497ہوگئی ہے،جبکہ  متاثرہ افراد کی مجموعی تعداد 11لاکھ94ہزار198ہوگئی ہے ۔ ملک میں کورونا وائرس کی  چوتھی  لہر کے دوران  مزید 84 افراد انتقال کر گئے جبکہ 4062 کیسز رپورٹ ہوئے ہیں۔