نیوزی لینڈ کی ٹیم کل 18 سال بعد پاکستان پہنچے گی

تفصیلات کے مطا بق  نیوزی لینڈ کی ٹیم کل 18 سال بعد پاکستان پہنچے گی۔ کیویز بنگلہ دیش سے چارٹرڈ فلائیٹ کے ذریعے اسلام آباد پہنچیں گے۔ پاکستانی ٹیم کے شائقین بھی نیوزی لینڈ کی آمد سے پہلے پرجوش ہیں۔

کیویز کی 11 ستمبر کو ہوٹل میں کورونا ٹیسٹنگ ہوگی اور 1 دن ہوٹل میں قرنطینہ کرنے بعد 13 ستمبر سے ٹریننگ کا آغاز کریں گے۔قومی ٹیم آج سے راولپنڈی سٹیڈیم میں ٹریننگ کا آغاز کرے گی۔

خیال رہے کہ  پاکستان اور نیوزی لینڈ کے درمیان پہلا ون ڈے 17 ستمبر کو کھیلا جائے گا۔

گزشتہ روز پاکستان نیوزی لینڈ سیریز کے لیے میچ آفیشلز کا تقرر کردیا گیا تھا،علیم ڈار اور احسن رضا نیوزی لینڈ سیریز میں امپائرنگ کی ذمہ داریاں ادا کریں گے۔ آصف یعقوب، فیصل آفریدی،  راشد ریاض اور شوزب رضا بھی امپائرنگ کےفرائض انجام دیں گے۔

رواں ماہ یکم ستمبر کو پی سی بی نے پاکستانی اسکواڈ کا اعلان کیا تھا،اعلان کردہ اسکواڈ میں بابراعظم (کپتان)، شاداب خان(نائب کپتان) ،عبداللہ شفیق اور   امام الحق شامل ہیں  ،حارث رؤف، حسن علی،  فخر زمان، فہیم اشرف ، خوشدل شاہ،  افتخار احمد، محمد رضوان (وکٹ کیپر) ، محمد حارث(وکٹ کیپر)،  محمد حسنین، محمد نواز،محمد وسیم جونیئر ،  سعود شکیل ، شاہین شاہ آفریدی، شاہنواز دھانی ،  عثمان قادر اور زاہد محمود  شامل ہیں۔