یو اے ای جانیوالوں کیلئے  خوشخبری ، بڑی پابندی ختم 

غیر ملکی خبر رساں ادارے کے مطابق  متحدہ عرب امارات نے ڈبلیو ایچ او سے منظور شدہ  ویکسین لگوانے والے  رہائشی ویزا ہولڈرزکے داخلے پر پابندی ختم کر دی ہے،اس فیصلے کا اطلاق   12 ستمبر سے ہوگا۔

حکام کا مزید کہنا تھا کہ  پاکستان، بھارت ،بنگلادیش سمیت دیگر ممالک سےرہائشی ویزاہولڈرزآسکتے ہیں تاہم رہائشی ویزاہولڈرز کو 48 گھنٹے پہلے کا پی سی آر ٹیسٹ دینا ہوگا اور بورڈنگ سے پہلے ریپڈ پی سی آر ٹیسٹ کرانا ہوگا۔

وہ ممالک جن کے رہائشی 12 ستمبر سے متحدہ عرب امارات جا سکتے ہیں  ان میں  بھارت ، پاکستان ، بنگلہ دیش ، نیپال ، سری لنکا ، ویت نام ، نامبیا ، زیمبیا ، جمہوری جمہوریہ کانگو ، یوگنڈا ، سیرالیون ، لائبیریا ، جنوبی افریقہ ، نائیجیریا اور افغانستان شامل ہیں ۔

متحدہ عرب امارات کی قومی ایمرجنسی کرائسز اینڈ ڈیزاسٹر مینجمنٹ اتھارٹی نے ٹوئٹر پر کہا کہ متحدہ عرب امارات کی حکومت سے واپسی کے لیے منظوری لینا ضروری ہے ، اور مختلف پی سی آر ٹیسٹ لیے جائیں۔

#NCEMA & ICA: Permitting to return of fully vaccinated with #WHO approved vaccines- holders of valid UAE residence visa coming from the countries previously on the suspended list, starting from 12 September 2021. pic.twitter.com/BgkJ8yT0GX

— NCEMA UAE (@NCEMAUAE) September 10, 2021