پاکستان
تحریک انصاف حکومت انتخابات کی شفافیت پریقین رکھتی ہے: شہباز گل
اسلام آباد: معاون خصوصی برائے سیاسی روابط شہباز گل نے کہا کہ تحریک انصاف حکومت انتخابات کی شفافیت پریقین رکھتی ہے ۔
تفصیلات کے مطابق معاون خصوصی برائے سیاسی روابط شہباز گل نے پریس کانفرنس کرتے ہوئے کہا کہ مریم اورنگزیب ایسی باتیں کرتی ہیں جیسےوہ الیکشن کمیشن کوسمجھتی ہیں ، 2017 میں جس مشین کی بات کی گئی وہ موجودہ مشین سے مختلف تھی۔
انہوں نے کہا کہ ووٹنگ مشین کی خرابی دورکرنےکی بات کریں پورانظام کیسےمستردکرسکتےہیں ، شہبازشریف پارٹی صدرہیں ، مریم اورنگزیب انکےبیان کوذاتی رائےکہہ دیتی ہیں ، اپوزیشن والوں نے ساری زندگی الیکشن چوری کیے ، اسی الیکشن کمیشن کےسامنےن لیگ نےسب سےپہلے احتجاج کیاتھا۔
معاون خصوصی برائے سیاسی روابط شہباز گل نے کہا کہ بات یہ ہےکہ آپکا ایک بیانیہ نہیں ہے ، وزیراعظم کوپتاہے کہ شہباز اور نوازشریف ایک سکےکے دو پہلو ہیں ، ہمیں پتا ہے آپ اندر سے ایک دوسرے کے ساتھ ہیں ، الیکشن ای وی ایم سے ہی ہونگے ، ہم نے ووٹ لے کرفیصلہ کیا کہ اصلاحات لائیں گے۔
شہباز گل نے کہا کہ ای وی ایم پراپوزیشن کا پروپیگنڈا سمجھ نہیں آرہا ، ہم نےگزشتہ الیکشن میں 4 حلقوں کےانتخابی نتائج پراعتراضات کیے ، پی ٹی آئی نےالیکشن سےپہلےانتخابی اصلاحات کاوعدہ کیاتھا ، اپوزیشن شفاف الیکشن سے کیوں گھبراتی ہے؟
انہوں نے کہا کہ الیکشن ایکٹ میں کہا گیا کہ الیکشن کمیشن ٹیکنالوجی کااستعمال کرےگا ، فری ،فیئراورٹرانسپیرنٹ الیکشن ہمارےمنشورکاحصہ ہے ، آزادانہ اور شفاف انتخابات پی ٹی آئی کے منشور کا حصہ ہے ، سب کوپتاہےپاکستان میں الیکشن کیسے ہوتےہیں۔
معاون خصوصی برائے سیاسی روابط شہباز گل نے کہا کہ ہربارہارنے والی پارٹی دھاندلی کاالزام لگاتی ہے ، ای وی ایم سےمتعلق اپوزیشن پروپیگنڈاکررہی ہے ، تحریک انصاف حکومت انتخابات کی شفافیت پریقین رکھتی ہے۔
تجارت
سونے کی قیمت میں بڑا اضافہ ریکارڈ
ملک بھر میں فی تولہ سونے کی قیمت 3ہزار 1 سو روپے بڑھ کر 2 لاکھ 48 ہزار 100 روپے ہوگئی
ملک بھر میں فی تولہ سونے کی قیمت 3ہزار 1 سو روپے بڑھ کر 2 لاکھ 48 ہزار 100 روپے ہوگئی ہے۔اسی طرح دس گرام سونے کی قیمت بھی 2658روپے کے اضافے سے 212706روپے کی سطح پر آگئی۔
عالمی مارکیٹ میں فی اونس سونے کی قیمت 30ڈالر کے اضافے سے 2414ڈالر کی سطح پر آگئی۔
دوسری جانب عالمی مارکیٹ کے نمائندوں کا کہنا ہے کہ مقامی صرافہ مارکیٹوں میں قوت خرید متاثر ہونے اور سونے کی تجارتی سرگرمیوں میں نمایاں کمی کے پیش نظر سونے کی مقامی قیمت عالمی قیمت میں اضافے کے تناسب کے بجائے 4000 روپے انڈرکاسٹ رکھی گئی ہیں۔
پاکستان
بتایاجائے کیا وجہ تھی ہماری حکومت کا تختہ الٹاگیا، نواز شریف
پارٹی کے بہترین ساتھیوں پر سنگین مقدمات بنائےگئے
پاکستان مسلم لیگ (ن) کے قائد اور سابق وزیراعظم نوازشریف نے کہا ہے کہ بتایاجائے کیا وجہ تھی جو 1993 میں ہماری حکومت کا تختہ الٹا گیا تھا، جنہوں نے پاکستان کو تباہ و برباد کیا ان کا احتساب ہونا چاہیے۔
پاکستان مسلم لیگ (ن) سینٹرل ورکنگ کمیٹی اجلاس سے خطاب کرتے ہوئے پارٹی قائد نوازشریف نے کہا کہ آپ سب کو یہاں دیکھ کر بہت خوشی ہورہی ہے، بہت عرصے بعد ہم سب ایک جگہ جمع ہوئے ہیں، پورے ملک سے پارٹی قیادت یہاں موجود ہے۔
ان کا کہنا تھا کہ آپ سب کو دل کی گہرائیوں سے پیار بھرا پیغام دینا چاہتا ہوں، یہاں موجود ایک ایک چہرہ مسلم لیگ (ن) کا ستون ہے۔
نوازشریف نے کہا کہ پارٹی کے بہترین ساتھیوں پر سنگین مقدمات بنائےگئے، مشکل حالات میں مسلم لیگ (ن) نے بہادری سے حالات کا مقابلہ کیا، مسلم لیگ (ن) کی قیادت پر جھوٹے مقدمات چلائےگئے، مرحومہ کلثوم نواز کی جدوجہد تاریخی تھی۔
ان کا کہنا تھا کہ بتایاجائے کیا وجہ تھی جو 1993میں ہماری حکومت کا تختہ الٹاگیا؟ ہماری حکومت جاری رہتی تو ہمارا ملک دنیا میں ایک مقام حاصل کرچکا ہوتا، میرے دور اقتدار میں ہی موٹرویز بننا شروع ہوگئی تھیں، سب جانتے ہیں موٹرویز نے ملکی معیشت میں کتنا اہم کردار ادا کیا۔
انہوں نے کہا کہ سازش کےبعد پاکستان میں دھرنے شروع کردیئےگئے، مجھے سمجھ نہیں آئی انہوں نے کیوں دھرنے شروع کیے، سمجھ نہیں آئی ان کو کہاں سے اشارہ ملا، آپ بتاتے توسہی ہم دھرنے شروع کرنے لگےہیں، مجھے کہا تعاون کریں گے اوریہاں ڈی چوک میں دھرنے شروع کردیئے، میں نے کابینہ سےکہا تھا ان کو مت چھیڑنا۔
قائد مسلم لیگ ن کا کہنا تھا کہ کچھ ارکان نے کہا ان پر لاٹھی چارج ہوناچاہیے، لاٹھی چارج کے بغیر کام ٹھیک ہوگیا، چینی صدرپاکستان آرہےتھےاورباربار منسوخی کا کہا جارہاتھا، ہمیں چینی صدرکودھرنوں میں بلانے میں مشکل آرہی تھی، چینی صدر پاکستان آئے اور سی پیک کا معاہدہ ہوا، چینی صدرنے خودکہا سی پیک آپ کیلئے چین کی طرف سےتحفہ ہے۔
پاکستان
نواز شریف سے برطانوی ہائی کمشنر جین میریٹ کی ملاقات
ملاقات میں پاکستان اور برطانیہ میں دوطرفہ تعلقات میں بڑھتے فروغ پر اطمینان کا اظہار کیا گیا
پاکستان مسلم لیگ (ن) کے قائد میاں نواز شریف سے پاکستان میں برطانیہ کی ہائی کمشنر جین میریٹ کی ملاقات کی۔ ملاقات میں باہمی دلچسپی کے امور پر تبادلہ خیال کیا گیا ۔
پاکستان اور برطانیہ میں مختلف شعبوں میں دوطرفہ تعاون میں اضافے پر بھی بات چیت ہوئی ۔
نواز شریف اور برطانوی ہائی کمشنر کی اس ملاقات میں پاکستان اور برطانیہ میں دوطرفہ تعلقات میں بڑھتے فروغ پر اطمینان کا اظہار کیا گیا ۔
قائد میاںنواز شریف نے پاکستان میں سماجی شعبے کی ترقی اور دونوں ممالک کے تعلقات کی مزید مضبوطی کے لئے برطانوی ہائی کمشنر کی کاوشوں کو سراہا ۔
برطانوی ہائی کمشنر نے ملاقات کے لئے وقت دینے پر پارٹی قائد محمد نواز شریف کا شکریہ ادا کیا۔
-
تجارت 10 گھنٹے پہلے
سونے کی قیمت میں بڑا اضافہ ریکارڈ
-
دنیا 2 دن پہلے
یورپ میں40 فیصد اموات کی وجہ دل کی بیماریاں ہیں، عالمی ادارہ صحت
-
پاکستان 8 گھنٹے پہلے
شہباز شریف متفقہ طور پر مسلم لیگ (ن) کے قائم مقام صدر نامزد
-
دنیا 2 دن پہلے
ایران کے سابق وزیر کو کرپشن کے الزام میں 3 سال قید کی سزا
-
تجارت 2 دن پہلے
پیٹرول, ڈیزل کی قیمتوں میں بڑی کمی کر دی گئی
-
ٹیکنالوجی ایک دن پہلے
پاکستان میں فائیو جی سروسز جلد لانچ ہو جائیں گی، وزیر مملکت برائے آئی ٹی
-
علاقائی ایک دن پہلے
مریم نواز کی ایلیٹ فورس کی وردی پہن کر پاسنگ آئوٹ پریڈ میں شرکت
-
ٹیکنالوجی 2 دن پہلے
گوگل نے آرٹیفیشل انٹیلیجنس پر مبنی ایک معیاری ٹول متعارف کرا دیا