ہمایوں سعید کی عمر شریف کی صحتیابی کیلئے دعاؤں کی اپیل

اپنے ٹوئٹر پیغام میں ہمایوں سعید نے کہا کہ عمر شریف ایک لیجنڈ اداکار ہیں اور پاکستان کا فخر ہیں۔ہمایوں سعید نے کہا کہ اللّٰہ تعالیٰ عمر بھائی کو صحت و تندرستی کے ساتھ لمبی زندگی عطا کرے۔

یاد رہے کہ سینئر اداکار و کامیڈین عمر شریف کی جانب سے وزیراعظم عمران خان سے اپنے بہتر علاج کے لیے مدد کی اپیل بھی کی گئی ہے۔

عمر شریف کی جانب سے وزیر اعظم عمران خان سے مدد کی اپیل کرتے ہوئے کہا گیا ہے کہ ’اُن کا علاج چل رہا ہے، اُنہیں ڈاکٹرز نے کہا ہے کہ آپ کا بہتر علاج امریکا میں ہو سکتا ہے، آ پ کو باہر ملک میں جا کر علاج کروانا چاہیے۔‘

Praying for Omer Sharif sb's speedy recovery. A true legend and pride of Pakistan. May Allah bless you with the best of health and a long life Omer bhai pic.twitter.com/bHw0fO1vYG

— Humayun Saeed (@iamhumayunsaeed) September 12, 2021

جس کے بعد وزیرِ اعظم آفس کی جانب سے عمر شریف اور ان کے اہلِ خانہ کو بہتر علاج کے لیے مدد کی مکمل یقین دہانی کروائی گئی ہے۔

واضح رہے کہ لیجنڈری اداکار و کامیڈین عمر شریف کافی عرصے سے دل کی تکلیف کے ساتھ دیگر تکالیف میں مبتلا ہیں جبکہ ان کی یاداشت بھی خراب ہو گئی ہے، گزشتہ دنوں سوشل میڈیا پر ان کی تشویشناک حالت کے حوالے سے بھی خبریں گردش کر رہی تھیں۔