عمر شریف کو جلد ویزہ جاری ہو جائے گا: شہباز گل

تفصیلات کے مطابق شہباز گل کا کہنا ہے کہ وزیراعظم آفس نے عمر شریف کے ویزہ کے کوائف متعلقہ سفارتخانے کو بجھوا دئیے ہیں، وزیراعظم آفس ان کے خاندان سے مسلسل رابطے میں ہے۔

انہوں نے کہا ہے کہ عمر شریف ملک کا سرمایہ اور پہچان ہیں، ثقافتی شعبہ میں ان کی عظیم خدمات ہیں،ان کی صحت کے حوالے سے حکومت ہر ممکن تعاون کررہی ہےعمر شریف کے ویزہ پراسس میں بھی ہر ممکن تعاون کیا جا رہا ہے۔

عمر شریف کی کچھ دن قبل سماجی رابطے کی ویب سائٹ پر ایک ویڈیو وائرل ہوئی تھی جس میں انہوں نے وزیراعظم عمران خان سے اپنے علاج کے سلسلے میں مدد طلب کی تھی۔

گزشتہ دنوں کراچی میں گورنر سندھ عمران اسماعیل اور وفاقی وزیر اطلاعات و نشریات فواد چوہدری نے نجی اسپتال میں زیر علاج عمر شریف کی عیادت کی تھی۔