بھارتی کامیڈین کرشنا نے ماموں گووندا سے معافی مانگ لی

گووندا اور ان کی اہلیہ سنیتا کا کرشنا اور کشمیرا سے اختلافات کا سلسلہ 2016 سے جاری ہے۔ بھارتی میڈیا رپورٹس کے مطابق گووندااور کرشنا کی فیملی میں تعلقات 2018 میں اس وقت بگڑے جب کرشنا   کی اہلیہ اداکارہ کشمیرانے پیسوں کیلئے ڈانس کرنے والے افراد سے متعلق بات کی جس پر سنیتا آہوجا کی جانب سے دعویٰ کیا گیا کہ انہوں نے گووندا کو نشانہ بنایا ہے،جبکہ دوسری جانب کرشنا کی اہلیہ  کشمیرا اس بات پر ناراض ہیں کہ گووندا اور سنیتا ان کے بچے کی بیماری پر عیادت کے لیے اسپتال تک نہیں آئے۔

کرشنا ابھیشیک کا کہنا تھا کہ میں اپنے ماما مامی سے پیار کرتا ہوں وہ میرے والدین کی طرح ہیں اور میں ان سےمعافی کا طلبگار ہوں۔ انہوں  نے مزید کہا کہ  میں اس دشمنی سے تنگ آچکا ہوں اور اندر سے دکھی ہوں ، ہم نے مختلف انٹرویوز میں کہا ہے کہ ہم اپنے مسائل حل کریں گے لیکن اب تک ہم اختلافات کا شکار ہیں۔