وزیر داخلہ شیخ رشید سے اقوام متحدہ کے ہائی کمشنر برائے مہاجرین فیلپو کی ملاقات 

تفصیلات کے مطابق وزیر داخلہ شیخ رشید کا کہنا تھا کہ پاکستان ہمسایہ ملک افغانستان میں پائیدار امن کا خواہشمند ہے،طالبان کو حکومت سازی اور ملکی امور چلانے میں وقت دینا چاہئے۔

وزیر داخلہ کا کہنا تھا کہ طالبان کو افغانستان میں گورننس  کیلئے مالی اور انسانی وسائل یقینی بنانا ہوں گے،طالبان کے زیر حکومت افغانستان کی ایک ہی دن میں یورپ کی طرح ترقی ممکن نہیں۔

ان کا کہنا تھا کہ افغانستان میں ممکنہ انسانی قحط ،بدامنی  اور لاقانونیت کو جنم دے سکتا ہے،انسانی ہمدردی کے تحت خوراک ، ادویات کے ٹرک اور جہاز افغانستان بھیجے ہیں۔ 

 اقوام متحدہ کے ہائی کمشنر برائے مہاجرین کا کہنا تھا کہ پاکستان کا 30 لاکھ افغان مہاجرین کی دیکھ بھال میں کردار قابل رشک ہے،اقوام متحدہ افغان شہریوں کو تنہا نہیں چھوڑے گا، افغان شہریوں کی ہر ممکن مدد کی  جائےگی۔ 

ان کا کہنا تھا کہ اقوام متحدہ نے افغانستان  کیلئے فنڈز اورامداد کیلئےاقوام عالم کو متحرک کیا  اقوام متحدہ کے عملے کی سییکورٹی اور ویزہ سہولیات فراہم کرنے پر حکومت پاکستان کے مشکور ہیں۔