وزیر اعلیٰ پنجاب کی کراچی کے صحافیوں‌ کو پنجاب کے دورے کی دعوت

تفصیلات کے مطابق وزیراعلیٰ پنجاب عثمان بزدار  بلوچستان نیشنل پارٹی کے سربراہ سردار اختر مینگل کی رہائش گاہ پہنچے، جہاں انہوں نے سردار عطاء اللہ مینگل کے انتقال پر ان کے صاحبزادے سے تعزیت اور ہمدردی کا اظہار کیاہے۔

بعدازاں وہ تعزیت کے لیے یار محمد بزدار کے گھر پہنچے، ملاقات کے بعد میڈیا سے گفتگو کرتے ہوئے عثمان بزدار نے کہا کہ میں یہاں فاتحہ خوانی اور تعزیت کے لیے یہاں آیا ہوں ایسے مواقعوں پر سیاست کرنا ہماری روائیت نہیں ہے۔

انہوں نے کہا کہ سندھ سمیت تمام صوبوں سے اچھے تعلقات ہیں، پنجاب میں ماضی کے مقابلے میں صورت حال کافی بہتر ہے، امن و امان اور ترقیاتی کاموں کی رفتار بڑھ گئی اور ماضی کے مقابلے میں زیادہ منصوبے مکمل ہوئے۔

عثمان بزدار نے پنجاب کے منصوبوں اور صورت حال کو دیکھنے کے لیے کراچی کے صحافیوں کو پنجاب کے دورے کی دعوت بھی دی ہے۔