نیشنل ٹی ٹونٹی کے لیے ٹکٹوں کی فروخت شروع

تفصیلات کے مطابق نیشنل ٹی ٹونٹی کے لیے ٹکٹوں کی فروخت آج سے شروع  کر دی گئی ہے۔ ٹورنامنٹ کے لیے ٹکٹوں کی قیمت 50 سے 500 روپے تک مقرر کی گئی ہے۔

دومرحلوں پر مشتمل ٹورنامنٹ 23 ستمبر سے 13 اکتوبر تک بالترتیب راولپنڈی اور لاہور میں کھیلا جائے گا،  راولپنڈی اور لاہور میں شیڈول میچز کیلیے ٹکٹس آج رات آٹھ بجے سے  نجی کمپنی کی ویب سائٹ پردستیاب ہوں گے۔

23 ستمبر سے 3 اکتوبر تک پنڈی کرکٹ اسٹیڈیم راولپنڈی میں کھیلے جانے والے 18 میچز کے لیے سہیل تنویر، شعیب اختر، یاسر عرفات اور میراں بخش اسٹینڈز کے ٹکٹ کی قیمت 200 روپے ہے جبکہ عمران خان (فیملی انکلوژر)، جاوید میانداد، جاوید اختراور اظہر محمود اسٹینڈز کے ٹکٹ کی قیمت 300 روپے مقرر کی گئی ہے۔

6سے 13 اکتوبر تک قذافی اسٹیڈیم لاہور میں کھیلے جانے والے15 میچز کے لیے انضمام الحق، سعید احمد، نذر، قائد، امتیاز احمد، ظہیر عباس، حنیف محمداور ماجد خان اسٹینڈز کے ٹکٹ کی قیمت 50 روپے ہے جبکہ عبدالقادر اور سرفراز احمد اسٹینڈز کے ٹکٹ کی قیمت 100 روپے ، جاوید میانداد، عبدالحفیظ کاردار، راجاز (فیملی انکلوژر) اور سعید انور اسٹینڈز کے ٹکٹ کی قیمت 200 روپے اور عمران خان، فضل محمود، وسیم اکرم اور وقار یونس اسٹینڈز کے ٹکٹ کی قیمت 300 روپے مقرر کی گئی ہے۔

این سی او سی کی ہدایات کے مطابق25 فیصدتماشائیوں کو اسٹیڈیم  میں داخلے کی اجازت ہوگی،  تماشائیوں کے لیے اپنے ویکسین سرٹیفیکٹ ہمراہ لانا ضروری ہوگا۔