کرکٹ کا ایشین بلاک قائم کریں گے : رمیز راجہ کا اعلان

تفصیلات کے مطابق چئیرمین پی سی بی رمیز راجا  نے  نیوزی لینڈ اور انگلینڈ کے خلاف سخت موقف اختیار کرنے کا اعلان  کیا ہے،انہوں نے کہا ہے کہ  آئینہ دیکھانے کا وقت آگیا ہے پاکستان اب کسی کے لیے استعمال نہیں ہوگا،کرکٹ کا ایشین بلاک قائم کریں گے ،آسٹریلیا بھی نہیں آتی تو پلان بی تیار ہے ۔

پاکستان کرکٹ بورڈ کے چئیرمین رمیز راجا  نے آن لائن پریس کانفرنس میں کہنا تھا کہ نیوزی لینڈ اور انگلینڈ ٹیموں کے بغیر کسی وجہ انکار سے افسوس ہوا ہماری سیکورٹی ایجنسیز کے ساتھ تاحال کچھ شیئر نہیں کیا گیا  دونوں کرکٹ بورڈز سے کھل کر شکوے کیے ہیں تمام متعلقہ فورمز پر اس معاملے پر آواز اٹھائیں گے۔

رمیز راجا نے کہا پاکستان کی کرکٹ نیوٹرل وینیو پر نہیں ہوگی ،اپنے موقف پر قائم ہیں کہ ہوم سیریز پاکستان میں ہی کھیلیں گے اگر آسٹریلیا نہیں آتی تو ٹرائی نیشن سیریز کا پلان بی تیار ہے۔

چئیرمین پی سی بی کا کہنا تھا کہ وزیراعظم سے موجودہ صورتحال پر لمبی بات ہوئی ہے بائیس ستمبر کو قومی کھلاڑیوں کے ہمراہ ملاقات شیڈول ہے افغانستان کرکٹ بورڈ کے سربراہ بھی ملاقات کے لیے پاکستان آ رہے ہیں ،،پی ایس ایل کے معاملات کے لیے 24 ستمبر کو ٹیم مالکان سے ملوں گا۔