قومی ٹی  ٹوئنٹی  کپ کا آغاز آج  راولپنڈی  میں ہوگا

تفصیلات کے مطابق قومی ٹی ٹوئنٹی کپ کے پہلے مرحلے کا آغاز آج سے راولپنڈی میں ہو رہا ہے ، ایونٹ 23 ستمبر سے 13 اکتوبر تک جاری رہےگا۔ ٹورنامنٹ میں تمام بڑے کھلاڑی حصہ لیں گے ، ایونٹ کے پہلے مرحلے کیلئے پنڈی اسٹیڈیم میں تماشائیوں کے لیے آٹھ انکلوژر میں نشستیں لگادی گئیں ۔ 25 فیصد تماشائیوں کو اسٹیڈیم میں داخلے کی اجازت ہوگی ، کورونا ویکسی نیشن سرٹیفکیٹ کا ہونا لازمی ہے۔ 

پہلا مرحلہ راولپنڈی میں 23 ستمبر سے 3 اکتوبر تک جاری رہےگا جبکہ دوسرا مرحلہ قذافی اسٹیڈیم لاہور میں 6 اکتوبر سے شروع ہوگا۔قومی کرکٹ ٹیم کےکپتان بابر اعظم سینٹرل پنجاب کی قیادت کریں گے، نائب کپتان قومی ٹیم شاداب خان ناردرن کی قیادت کریں گے، امام الحق بلوچستان اور سرفراز احمد سندھ کی قیادت کریں گے، ان کے علاوہ محمد رضوان خیبر پختونخوا اور صہیب مقصود سدرن پنجاب کی قیادت کریں گے۔

چیئرمین پی سی بی رمیز راجہ کا کہنا ہےکہ نیوزی لینڈ سیریز ختم ہونےکے بعد یہ ایونٹ کھلاڑیوں کو صلاحیتوں کے اظہارکا موقع فراہم کر رہا ہے ،  بہترین کھلاڑیوں کی شرکت سے ٹورنامنٹ کی اہمیت بڑھ جائےگی۔

Osaka Batteries Presents Pepsi National T20 2021-22 from 23rd September to 13th October 2021. #HarHaalMainCricket | #KhelTouHoRahaHai | #NationalT20Cup pic.twitter.com/X0QdG26WRR

— Pakistan Cricket (@TheRealPCB) September 22, 2021