بندرگاہ سے 3 ارب ڈالرز کی منشیات برآمدگی پر مودی مشکل میں پھنس گئے

نئی دہلی : بھارتی وزیراعظم نئی مشکل میں پھنس گئے ہیں ، اپوزیشن نے مودی پر بھارت میں منشیات کی سمگلنگ میں ملوث ہونے کا الزام لگا دیا ہے ۔ 

بھارتی میڈیا کے مطابق ریاست گجرات کی مندر بندرگاہ میں نریندر مودی کے دوست اور فنانسر کے زیرانتظام پورٹ سے تین ارب ڈالر کی 3000گلوگرام ہیرؤئن بر آمد ہوئی ہے ۔ مندر بندگاہ بھارتی وزیراعظم کے دوست گوتم اڈانی کے زیر انتظام ہے اور مودی کے بند گاہ میں 25 فیصد شیئرز نے مزید شکو و شبہات پیدا کردیے ہیں ۔ 

اپوزیشن جماعت کانگریس کی جانب الزامات لگائے جا رہے ہیں کہ نریندر مودی ملک میں منشیات کی اسمگلنگ میں ملوث ہیں اور منشیات کے برآمد ہونے کے بعد بھارت میں سوشل میڈیا مودی کے خلاف طوفان کھڑا ہو گیا ہے۔ صحافیوں، سول سوسائٹی اور سیاستدانوں نے حکومت اور وزیر اعظم کو آڑھے ہاتھوں لے لیا ہے۔

کانگرس رہنماؤں نے سوال اٹھایا کہ حکومت اور منشیات کنٹرول کرنے والے اداروں کے ناک کے نیچے منشیات کا کاروبار کیسے چل رہا تھا۔کانگرس کے ترجمان پون کھیرا نے کہا کہ وزیراعظم نریندر مودی اور وزیر داخلہ امیت شاہ جن کا تعلق گجرات سے ہے منشیات کے گٹھ جوڑ کو توڑنے میں کیوں ناکام ہیں۔

تیلگو دیسام پارٹی کے رہنما دھولیپا نریندرا کمار نے کہا کہ بھارت سے ممنوعہ مواد کا نکلنا بہت شرمناک ہے، بین الاقوامی منشیات اور یورینیم مافیا کا حکومت اور اہلکاروں کی مدد کے بغیر کام کرنا کس طرح ممکن ہے۔دوسری جانب ادانی گروپ نے اس معاملے کی وضاحت کرتے ہوئے کہا کہ وہ صرف بندرگاہ کو چلانے اور سامان کی نقل و حمل کے ذمہ دار ہیں، شپمنٹ میں کیا ہے یہ دیکھنے کے وہ مجاز نہیں ہیں۔