شاہ محمود قریشی کا بین الاقوامی برادری سے  افغانستان کے منجمد اثاثے بحال کرنے کا مطالبہ

وزیرخارجہ شاہ محمود قریشی نے امریکی خبرایجنسی کو انٹرویو دیتے ہوئے کہا ہے کہ  حقیقت پسند بنیں،صبر کا مظاہرہ دکھائیں،مذاکرات کریں اور سب سے اہم بات علیحدہ نہ کریں،  اگر طالبان بین الاقوامی توقعات پر پورا اترتے ہیں تو اپنے لیے آسانیاں پیداکریں گے،انہیں منظوری مل جائےگی، جو کہ بین الاقوامی سطح پر تسلیم کیلئے ضروری ہے۔

وزیرخارجہ شاہ محمود قریشی نے کہا کہ  ان امیدوں میں شراکت داری پر مبنی حکومت کا قیام  اورانسانی حقوق کی یقین دہانی ہے، ان انسانی حقوق میں خصوصاً خواتین اور لڑکیوں  کے حقوق شامل ہیں، بدلے میں افغان حکومت کو ترقیاتی، معاشی اور تعمیرنو کیلئے امداد دی جائے۔انہو ں نے کہا کہ  بین الاقوامی کمیونٹی کو یہ باور کرنا ہوگا کہ متبادل کیاہے؟ کیا آپشنز ہیں؟ یہ حقیقت ہے اور کیاوہ اس حقیقت سےمنہ موڑ سکتے ہیں؟۔

 وزیرخارجہ  کا مزید کہنا تھا کہ  بین الاقوامی کمیونٹی کی طرح پاکستان بھی افغانستان میں امن اور استحکام چاہتاہے،جہاں دہشتگردعناصر کیلئے کوئی جگہ نہ ہو، طالبان کو یقینی بنانا ہوگا کہ افغان سرزمین کسی ملک کیخلاف استعمال نہ ہو، طالبان کیساتھ بات چیت کیلئے منفرد انداز اپنایاجائے،طالبان کیساتھ اب تک جیسا اسلوک کیاجارہاتھاوہ کامیاب نہیں ہوا، اچھی بات یہ ہے کہ طالبان سن رہے ہیں۔

وزیرخارجہ شاہ محمود قریشی نے انٹرویو میں کہا کہ  ہمسایہ ممالک اور بین الاقوامی کمیونٹی جو کہہ رہی ہے وہ اس سے بےحس نہیں ہیں،  بین الاقوامی کمیونٹی اکٹھا ہوکر ایک لائحہ عمل تیارکرے،  افغانستان میں امن و امان کی صورتحال بہتر ہونے کی اطلاعات ہیں، لڑائی رک چکی ہے،اندرونِ ملک ہجرت کرنیوالے واپس اپنے گھروں کو لوٹ چکے ہیں۔افغانستان کے منجمد اثاثے بحال کیے جائیں۔