سیاحت کا عالمی دن 

سیاحت کا یہ عالمی دن ورلڈ ٹورازم آرگنائزیشن کی ایگزیکٹیو کونسل کی سفارشات پر اقوام متحدہ جنرل اسمبلی کی قرارداد کے مطابق 1970ء سے منایا جا رہا ہے۔ اس  دن کو  منانے کا مقصد دنیا کو یہ باور کرانا ہے کہ سیاحت بین الا قومی برادری کے لیے ناگز یر ہے اور سیاحت سماجی، ثقافتی اور اقتصادی حالات پر براہ راست اثر اندا ز ہوتی ہے۔ 

اس دن کے مقاصد میں سیاحت کے فروغ ، نئے سیاحتی مقامات کی تلاش ، ثار قدیمہ کو محفوظ بنانے ، سیاحوں کے لئے زیادہ سے زیادہ اور جدید سہولیات پیدا کرنے،سیاحت کیلئے آنے والے شائقین کے تحفظ ، نئے سیاحتی مقامات تک آسان رسائی سمیت دیگر متعلقہ امور کو فروغ دینا بھی شامل ہے ۔

اقوام متحدہ کی تنظیم (یو این او) کی سرکاری ویب سائٹ کے مطابق  سیاحت ایک اہم معاشی شعبہ ہے اور یہ  دنیا میں موجود ہر دسویں شخص میں سے ایک کو روزگار فراہم  کرتا ہے اور لاکھوں لوگوں کی معاشی ضروریات اس شعبے سے پوری ہوتی ہیں ۔ کچھ ممالک میں سیاحت کی مجموعی گھریلو پیداوار (جی ڈی پی) 20 فیصد سے زائد ہے۔ تاہم اقوام متحدہ کی ویب سائٹ کے مطابق  COVID-19 وبا نے دنیا بھر میں  بڑے پیمانے پر سماجی اور معاشی اثرات مرتب کیے ہیں جس کے نتیجے میں  ترقی یافتہ اور ترقی پذیر معیشتوں کو بہت زیادہ نقصان کا سامنا کرنا پڑا ہے اور  یہ خیال کیا جا رہا ہے کہ سیاحت کو دوبارہ شروع کرنے سے معیشت  کی بحالی اور ترقی میں مدد ملے گی۔

پاکستان سیاحتی مقامات اور قدرتی مناظر کے حسن سے مالا مال ملک ہے اور وزیر اعظم عمران خان کی ہدایات پر ملک میں سیاحت کے فروغ کے لیے بے شمار اقدامات اٹھائے جارہے ہیں۔