اختلاف رائے زندہ جماعتوں میں ہوتی ہے،پریشان ہونے کی ضرورت نہیں:مریم نواز

تفصیلات کے مطابق رہنما مسلم لیگ ن مریم نواز کا کہنا ہے کہ ہر وقت بیانیہ کی بات اس لیے ہوتی ہے کہ ہمارے پاس ایک بیانیہ ہے،کسی اور کے پاس بیانیہ  ہی نہیں،نوازشریف کاایک ہی بیانیہ ہے، میاں صاحب فیصلہ کر دیتے ہیں توشہبازشریف، مریم،حمزہ سمیت سب سپاہی کھڑے ہوجاتے ہیں۔

نائب صدرمسلم لیگ(ن)کا کہنا ہے کہ ایک ایسی بھی جماعت ہے جس کے بارے میں کہتے ہیں وہ لڑ نہیں سکتے وہ مجبور ہیں،وہ جماعت اپنے آپ کو پیش ایسےکرتی ہے جیسےحکومت ان کی بننے والی ہے ،الیکشن میں ووٹ ان کوصرف دو چار ملتے ہیں۔

ان کا کہنا تھا کہ کراچی میں ان کواپنےگڑھ میں مسلم لیگ(ن) کو ہرانے کیلئےبہت محنت کرنا پڑی،ساری حکومتی مشینری انتخابات جیتنے کیلئے جھونکنا پڑی ہے۔

مریم نواز کا کہنا تھا کہ ہمارا بیانیہ یہ ہے کہ ہم پی ٹی آئی کے گڑھ نوشہرہ میں جیت گئے ہیں،نوازشریف گھر میں گھس کر مارتا ہے اس لیے سب اس سے ڈرتے ہیں۔

ان کا کہنا تھا کہ ہمارے بیانیےمیں کوئی ایسا پوائنٹ بتائیں جوآئین وقانون کے متصادم ہو،اگر ہمارےخلاف کسی نے سازش کی تو ہم منہ توڑ جواب دینا جانتے ہیں۔

انہوں نے کہا ہے کہ ہم بھی آپ کی جماعت کی طرح ہوتے توایجنسی پر انحصارکرتےاورہمیں جھکنا پڑتا،ہر بار دھاندلی نہیں ہوتی،ہر ظلم کا حساب دینا پڑے گا،ہم انتقام پر یقین نہیں رکھتے،مکافات عمل زندگی کا  سب سے بڑااصول ہے۔

مریم نواز کا کہنا تھا کہ اگر دنیا دنیاوی طاقتوں پہ چلتی رہتی تو کسی کا محاسبہ نہ ہوتا،میری زندگی کے دو سبق ہیں ،پہلا،وقت ایک جیسا نہیں رہتا ،دوسرا جو کرو گے وہ بھرو گے۔

ان کا کہنا تھا کہ سزا اور جزا حشر کے دن تک موقوف نہیں ہوتی،زندگی خود سزا دیتی ہے،جو ظلم انہوں نے کیے اور ظلم کیا ہوتا ہے؟سب کو معلوم ہے اور اسکی سزا بھی ہوتی ہے۔

نائب صدرمسلم لیگ(ن)مریم نواز کا کہناتھا کہ ادارے،ایجنسیاں ان کے ساتھ ہیں لیکن ہر میدان میں ان کو شکست کا سامنا ہے،ان کو بدنام ہوکر الیکشن جیتنا پڑتا ہے۔

ان کا مزید کہنا تھا کہ پی ٹی آئی کو ایم این ایز سے بزور طاقت ووٹ لینا پڑتا ہے ،اس سے بڑی سزا اور کیا ہےان کے لانے والوں کو بھی طعنے مل رہے ہیں،اس سے بڑی اور سزا کیا ہے؟