آنے والا وقت غریب عوام کا ہے: حمزہ شہباز

تفصیلات کے مطابق رہنما مسلم لیگ ن کا کہنا تھا کہ بجلی کی قیمتیں دگنا ہوچکی ہے،آج کسان پریشان ہے،کھاد کی بوری 2300 سے 7ہزارتک پہنچ گئی ہے، یہ ظلم کسان نہیں پنجاب کے ساتھ ہے، اللہ نے موقع دیا توکسانوں کی ترقی کے لیے دن رات محنت کریں گے.

ان کا کہنا تھا کہ ہم نے جنوبی پنجاب کےعوام کی خدمت کی جنوبی پنجاب میں سیلاب آیا تومیرے والد شہبازشریف نے یہی ڈیرے لگالیے تھے، سڑکیں، ہسپتال مسلم لیگ (ن)کی حکومت میں بنائے گئے۔

انہوں نے کہا کہ موجودہ حکومت نے ایک کروڑنوکریوں کا جھانسہ دیا، عوام کومہنگائی کی بھٹی میں جھونکنے والوں کوالیکشن میں حساب دینا ہوگا، عوام 2023ء میں (ن) لیگ کو کامیاب کر کے پی ٹی آئی کو سمندر میں غرق کر دیں گے۔ 

حمزہ شہباز کا کہنا تھا کہ بجلی، کھاد کی قیمتیں آسمان پر پہنچ گئیں، مہنگائی کی بھٹی میں جھونکنے والوں کوالیکشن میں حساب دینا ہوگا، عوام 2023ء میں پی ٹی آئی کو سمندرمیں غرق کردیں گے۔

ان کا مزید کہنا تھا کہ راجن پورمیں ترقیاتی کام (ن) لیگ کی حکومت میں ہوئے، موقع ملا توروجھان، ڈیرہ اسماعیل خان روڈ کوایکسپریس وے بنائیں گے۔ جنوبی پنجاب کے نوجوانوں کے30فیصد کوٹے کوموجودہ حکومت نے ختم کردیا، اب ان کا حساب ہوگا۔