پاکستان کرکٹ بورڈکا  عبوری چیف ایگزیکٹو آفیسر مقرر

تفصیلات کے مطابق  پاکستان کرکٹ بورڈ (پی سی بی )   چیف آپریٹنگ آفیسر سلمان نصیر کو اضافی چارج دے دیا گیا، سلمان  نصیر عبوری چیف ایگزیکٹو آفیسر کی  ذمہ داریاں نبھائیں  گے۔نئی تعیناتی تک سلمان نصیر پی سی بی کے عبوری سی ای او ہوں گے ۔  وسیم خان  کے مستعفی ہونے کے بعد چیف ایگزیکٹو کا عہدہ خالی تھا۔

گزشتہ ماہ  29 ستمبر  کو  سی ای او پی سی بی  وسیم خان  نے استعفی دے دیا تھا۔چئیر مین  پی سی بی نے سی ای او وسیم خان کا استعفی منظور کرلیا تھا۔

واضح رہےکہ فروری 2019 میں وسیم خان نے مینجنگ ڈائریکٹر پی سی بی کا  عہدہ سنبھالا تھا ۔ وسیم خان کے پی سی بی کے  ساتھ طے پانے والے معاہدے کی مدت  فروری 2022 میں  ختم ہونی  تھی۔