کپتان کے اپنے کھلاڑی نے تحریک انصاف پر بڑا الزام لگا دیا

جی این این کے مطابق اس بار سوال اٹھانے والے کوئی اور نہیں بلکہ پی  ٹی آئی سندھ کے رہنما لیاقت جتوئی ہیں ، دادو میں پریس کانفرنس سے خطاب کرتے ہوئے لیاقت جتوئی نے کہا کہ پارٹی میں 6 ماہ قبل شامل ہونے والے سیف اللہ ابڑو کو کس بنیاد پر سینیٹ کا ٹکٹ دیا گیا؟ پی ٹی آئی نےسیف اللہ ابڑوکوٹکٹ 35کروڑمیں بیچاگیا، ان کا کہنا تھاکہ ٹکٹ بانٹنے میں اقرباپروری کی گئی،  لیاقت جتوئی کا کہنا تھا کہ تین چارلوگ بیٹھ کرٹکٹ بانٹ رہے تھے،  سندھ کےفیصلےگورنرہاؤس میں کیےجارہےہیں ، پارٹی کی طرف سے نظرانداز کرنے پروزیراعظم کوخط لکھ دیا،انہوں نے مسلسل نظراندازکرنےپرراستےالگ  ہونے کی دھمکی بھی دیدی۔ 

دوسری جانب پی ٹی آئی کے رہنما سیف اللہ ابڑو نےسنگین الزام لگانے پرلیاقت جتوئی کودوہزار ملین روپے کا  ہتک عزت کا  قانونی نوٹس بھیج دیا،جبکہ وزیراعظم کے معاون خصوصی شہبازگل نے لیاقت جتوئی کے الزام کو بیہودہ قراردیتے ہوئے کہا ہے کہ وہ اپنے دعوے کا ثبوت دیں ،ثبوت نہ دے سکے تو پارٹی ان کے خلاف ایکشن لے گی۔واضح رہے کہ سیف اللہ ابڑو تحریک انصاف کے سندھ سےٹیکنو کریٹ کی سیٹ پر امیدوار تھے تاہم کاغذات نامزدگی مستر دہونے پر  سینٹ الیکشن کی دوڑ سے باہر ہوگئے۔