پاکستان سپرلیگ :اسلام آباد یونائیٹڈ اورکراچی کنگز میں آج جوڑ پڑے گا

تفصیلات کے مطابق   پی ایس ایل سیزن 6 میں  دونوں ٹیمیں پاکستانی وقت کے مطابق شام سات بجے کراچی کے نیشنل اسٹیڈیم میں آمنے سامنے ہوں گی۔  کراچی کنگز عما د وسیم  کی قیادت  میں جبکہ  شاداب خان کی کپتانی میں اسلام آباد یونائیٹڈ  میدان میں اتریں گی ۔

کراچی کنگز کی ٹیم میں عامر یامین ، ارشد اقبال ، بابر اعظم ، کولن انگرام ، عماد وسیم ، محمد عامر ، شرجیل خان ، وقاص مقصود ، چاڈوک والٹن ، ڈین کرسچن ، دانش عزیز ، جو کلارک ، محمد نبی ، محمد الیاس ، نور احمد ، قاسم اکرم ، ذیشان ملک شامل ہیں ۔

اسلام آباد  یونائیٹڈ اسکواڈ میں کپتان شاداب خا ن ، ایلکس ہیلز ، فل سالٹ ، حسین طلعت ، آصف علی ، افتخار احمد ، لیوس گریگری ، فہیم اشرف ، ظفر گوہر ، حسن علی اور محمد وسیم شامل ہیں ۔

پی  ایس ایل سیزن 6 میں دونوں ٹیمیں ایک ایک میچ جیت چکی ہیں ،   کراچی کنگز کوئٹہ گلیڈی ایٹرز کو جبکہ اسلام آباد یونائیٹڈ ملتان سلطانز کو شکست دے چکا ہے ۔

پوائنٹس ٹیبل پر لاہور قلندر کی پہلی، کراچی کنگز کی دوسری اور اسلام آباد یونائیٹڈ  کی ٹیم کی تیسری پوزیشن پر ہے جبکہ پشاور زلمی چوتھے نمبر پر آچکا ہے ۔

گزشتہ روز  پاکستان سپر لیگ(پی ایس ایل) 6 کے پانچویں میچ میں پشاور زلمی نے ملتان سلطانز کو 6وکٹوں سے شکست  دی تھی ۔

یاد رہے کہ پاکستان سپر لیگ کے میچوں میں تماشائیوں کے لیے نیشنل کمانڈ اینڈ کنٹرول آپریشن سنٹر نے  ایس او پیز جاری کردی  گئی ہیں۔ جس کے تحت اسٹیڈیم میں آنے والوں کو ایک میٹر کے فاصلےپر بیٹھنا ہوگا۔گراؤنڈ کے اندر اور باہر فیس ماسک پہننا لازمی ہوگا۔

واضح رہے کہ سپر لیگ میں چھ اسلام آباد یونائیٹڈ، دفاعی چیمپیئن کراچی کنگز، لاہور قلندرز، ملتان سلطانز، پشاور زلمی اور کوئٹہ گلیڈی ایٹرز کی ٹیمیں ٹائٹل کے لیے پنجہ آزمائی کریں گی۔  سپر لیگ سیزن 6 کا  یہ ایونٹ دو مرحلوں میں کھیلا جائےگا۔ 20 فروری سے 7 مارچ تک میچز کراچی میں ہونگے۔ دس مارچ سے دوسرا مرحلہ لاہور میں شروع ہوگا، جبکہ ایونٹ کا فائنل 22 مارچ کو قذافی اسٹیڈیم لاہور میں ہوگا۔کورونا وباء کے دوران تمام اسٹیک ہولڈرز کی صحت اور حفاظت کے پیش نظر 34 میچز پر مشتمل ایونٹ کراچی اور لاہور میں کروانے کا فیصلہ کیا گیا ہے۔