منشیات کیس: شاہ رخ خان کے صاحبزادہ کی درخواست ضمانت مسترد

غیر ملکی خبررساں ادارے کے مطابق بالی ووڈ اداکار شاہ رخ خان کے صاحبزادے آریان خان کی ضمانت کی درخواست کو عدالت نے مسترد کردیا ہے۔ آریان خان کے کیس کا فیصلہ جمع کو سنایا جائے گا۔آریان خان کے وکیل کی جانب سے عبوری ضمانت کی درخواست دائر کی گئی تھی جسے عدالتی مجسٹریٹ نے مسترد کردیا اور آریان خان  او دیگر 7 افراد کو جوڈیشل ریمانڈ پر جیل بھیج دیا۔

گزشتہ روز  نارکوٹکس کنٹرول بیورو(ایین سی بی) نے آریان کہ ضبط شدہ فون سے واٹس ایپ چیٹ کی مدد سے اہم شواہد حاصل کرلیے  تھے، بھارتی میڈیارپورٹس کہ مطابق،این سی بی حکام نےآریان سمیت گرفتار شدہ 2 افرادکی واٹس ایپ چیٹ سے اہم اورکارآمد موادبرآمدکرنےکرنےکاانکشاف کیا تھا۔

این سی بی کامزید کہنا تھا کہ آریان نے واٹس ایپ چیٹ میں منشیات کی ادائیگی کے طریقہ کار پر بات چیت کی ہوئی ہے،اس کے لیے انہوں نے طرح طرح کہ کوڈز کا استعمال کیا ہے۔

خیال رہے کہ رواں ماہ کی 3تاریخ کو شاہ رخ خان کے بیٹے کو منشیات کے الزام میں  نارکوٹکس کنٹرول بیورو(این سی بی ) نے   گرفتار کیا تھا،   آریان خان کو ممبئی کے ساحل سے دور کروز پر منعقد ہونے والی پارٹی پر چھاپہ مارنے کے بعد  تحویل میں لیا گیا تھا۔