ٹی ٹوئنٹی ورلڈ کپ : قومی اسکواڈ میں تبدیلی کردی گئی

تفصیلات کے مطابق  فخر زمان کو ٹیم میں شامل کرلیا گیا ہے  ، سرفراز احمد کی قومی ٹی ٹوئنٹی اسکواڈ میں واپسی ہوئی ہے، اعظم خان کو ڈراپ کر کے  سرفراز احمد کو ٹی ٹوئنٹی ورلڈکپ کی اسکواڈ میں شامل کرلیا گیا ہے،حیدر علی کو بھی  ٹی ٹوئنٹی اسکواڈ میں شامل  کرلیا گیا ہے۔خوشدل شاہ  اور فاسٹ باولر شاہنواز داہانی   ریزرو کھلاڑیوں میں شامل  ہیں۔

یہ بھی پڑھیں : سانحہ گریٹر اقبال پارک کیس میں نیا موڑ

Three changes made in Pakistan's @T20WorldCup squad! Haider Ali, Sarfaraz Ahmed and Fakhar Zaman included in the final 15.

More details: https://t.co/eZ9T7RGjfw#HarHaalMainCricket | #T20WorldCup pic.twitter.com/A9Z4MGsmE8

— Pakistan Cricket (@TheRealPCB) October 8, 2021

خیال رہے کہ 6 ستمبر 2021  کو  ٹی ٹوئنٹی ورلڈ کپ کیلئے قومی ٹیم کا اعلان کردیا گیا تھا، چیف سلیکٹر محمد وسیم پریس کانفرنس میں کھلاڑیوں کے ناموں کے بارے میں آگاہ کیا تھا۔ ٹی ٹوئنٹی ورلڈ کپ کیلئے شاداب خان نائب کپتان ہونگے ۔

 پندرہ رکنی اسکواڈ میں پانچ بیٹسمین، 2 وکٹ کیپرز، چار آل راؤنڈرز اور چار فاسٹ باؤلرز شامل تھے ۔  قومی سکواڈ میں بابراعظم ،شاداب خان، آصف علی ، حسن علی ، اعظم خان، حارث روف ، عماد وسیم ، خوشدل شاہ ، محمد حفیظ، محمد نواز، محمدرضوان، محمد وسیم، شاہین شاہ آفریدی اور صہیب مقصود شامل تھے ۔ ریزرو کھلاڑیوں میں فخر زمان، شاہنواز دھانی اور عثمان قادر شامل تھے ۔

اسکواڈ میں فہیم ، اشرف اور فخر زمان کو ڈراپ کر دیا گیا تھا جبکہ شعیب ملک اور وہاب ریاض، سرفراز احمد  بھی سکواڈ میں جگہ بنانے میں کامیاب نہیں ہو سکےتھے ۔

واضح رہے کہ  قومی ٹیم میگا ایونٹ   اپنا پہلا میچ 24 اکتوبر کو بھارت کیخلاف  کھیلنا ہے ۔ آئی سی سی ورلڈ ٹی ٹوئنٹی کا آغاز 17 اکتوبر سے یو اے ای میں ہوگا۔