اسلام آبادیونائیٹڈ کی کراچی کنگز کو5وکٹوں سے شکست

تفصیلات کے مطابق پی ایس ایل سیزن 6 کے چھٹے میچ میں اسلام آبادیونائیٹڈ اور کراچی کنگزآج کراچی کے نیشنل اسٹیڈیم میں مدمقابل آئیں جس میں اسلام آبادیونائیٹڈ نے کراچی کنگزکیخلاف ٹاس جیت کرفیلڈنگ کافیصلہ کیا۔اننگز کا آغاز شرجیل خان اور بابر اعظم نے کیا اور دونوں نے 176رنز کی ریکارڈ شراکت داری قائم کی اور دونوں نے پی ایس ایل میں سب سے بڑی شراکت داری کا ریکارڈ بھی توڑ دیا،شرجیل خان نے پی ایس ایل6 کی پہلی سنچری اسکور کی۔انہوں نے 55گیندوں میں سنچری مکمل کی ، شرجیل خان نے 8 چھکوں اور 9 چوکوں کی مدد سے سنچری بنائی تاہم وہ 105 رنز بنا کر ایل بی ڈبلیو ہوئے۔ بابر اعظم نے 6چوکوں اور 1چھکے کی مدد سے 62 رنز کی اننگز کھیل کر رن آؤٹ ہوئے جبکہ محمد نبی 7رنز بناکر کیچ آؤٹ ہوئے۔

اس طرح کراچی کنگز نے مقررہ 20 اوورز میں 3وکٹوں کے نقصان پر 197 رنز بنائے۔ اسلام آباد یونائیٹڈ کی  جانب سے حسن علی  اور حسین طلعت نے 1،1وکٹ حاصل کی۔

ہدف کے تعقب میں اسلام آباد کی جانب سے وکٹ کیپر بلے باز سالٹ اور ایلکس ہیلز نے اننگز کاآغاز کیا تو سالٹ بغیر کھاتہ کھولے پویلین لوٹ  گئےاور شاداب خان بھی پہلی ہی گیند پر چلتے بنے  تاہم ہیلز نے 8چوکوں اور 1چھکے کی مددسے برق رفتار 46 رنز بنائے، جبکہ فہیم اشرف 25 رنزبناسکے۔82رنز پر 4وکٹیں گنوانے کے بعد افتخار احمد اور حسین طلعت نے 94 رنز کی شاندار شراکت داری قائم کر کے میچ اسلام آبا دکی جانب موڑ دیا۔حسین طلعت 42 رنز بنا کر آؤٹ ہوئے جبکہ افتخار احمد 49 رنز کے ساتھ ناقابل شکست رہے۔آصف علی نے 9گیندوں پر 21 رنز بنا کر 19ویں اوور میں ہی اسکور برابر کر دیا۔ اس طرح اسلام آباد یونائٹڈ نے مقررہ ہدف آخری اوور کی پہلی ہی گیند پر5وکٹوں کے نقصان پر پورا کر لیا۔کراچی کنگز کی جانب سے عماد وسیم،محمد عامر،وقاص مقصود،ارشد اقبال اور محمد نبی نے 1،1 حاصل کی۔

پی ایس ایل سیزن 6 کےپوائنٹس ٹیبل پر لاہور قلندر کی پہلی، اسلام آباد یونائیٹڈکی دوسری اور کراچی کنگز کی ٹیم کی تیسری پوزیشن پر ہے جبکہ پشاور زلمی چوتھے نمبر پر آچکا ہے ۔

واضح رہے کہ سپر لیگ میں چھ اسلام آباد یونائیٹڈ، دفاعی چیمپیئن کراچی کنگز، لاہور قلندرز، ملتان سلطانز، پشاور زلمی اور کوئٹہ گلیڈی ایٹرز کی ٹیمیں ٹائٹل کے لیے پنجہ آزمائی کریں گی۔  سپر لیگ سیزن 6 کا  یہ ایونٹ دو مرحلوں میں کھیلا جائےگا۔ 20 فروری سے 7 مارچ تک میچز کراچی میں ہونگے۔ دس مارچ سے دوسرا مرحلہ لاہور میں شروع ہوگا، جبکہ ایونٹ کا فائنل 22 مارچ کو قذافی اسٹیڈیم لاہور میں ہوگا۔