آریان خان کو سینکڑوں قیدیوں والی عام بیرک میں شفٹ کردیاگیا

ممبئی : کروز شپ منشیات کیس میں گرفتار شاہ رخ کے بڑے بیٹے آریان کو جیل کی عام بیرک میں منتقل کردیا گیا ہے ۔ 

بھارتی میڈیا کے مطابق جیل میں کورونا سے متعلق نئے قواعد کے مطابق آریان سمیت دیگر ملزمان کو عام بیرک میں منتقل کرنے سے قبل تین سے پانچ قرنطینہ سیل میں رکھا گیا تھا ۔ 

بھارتی میڈیا کے مطابق اس دوران آریان کے قرنطینہ سیل میں دو پرانے قیدی، دو معذور قیدی اور دو دیگر قیدی تھے۔ تاہم اب جیل میں  آریان کا قرنطینہ کا وقت ختم ہوگیا ہے جس کے پیش نظر بھارتی میڈیا رپورٹس میں بتایا گیا ہے کہ آریان سمیت 5 مزید ملزمان کو جیل کے عام بیرک میں منتقل کردیا گیا ہے۔

جیل حکام کا کہنا ہے کہ آریان سمیت دیگر افراد کی کورونا رپورٹ منفی آنے کے بعد انہیں عام بیرک میں منتقل کیا گیا۔ 

 بھارتی میڈیا رپورٹس میں امکان ظاہر کیا گیاہے کہ  آریان کو قرنطینہ سیل کے بعد 500 قیدیوں والے بیرک میں منتقل کیا جاسکتا ہے جس میں آریان بھی باقی قیدیوں کی طرح اپنے جیل میں بقیہ روز پورے کریں گے۔