'حکومت اور فوج میں کسی قسم کی کوئی غلط فہمی نہیں ہے'

جی این این کے مطابق  وزیراعظم عمران خان کی زیرصدارت پی ٹی آئی پارلیمانی پارٹی کا اجلاس ہوا ، جس میں  وزیراعظم عمران خان نے موجودہ صورتحال پر پارلیمانی پارٹی کو اعتماد میں لیا۔

ذرائع کے مطابق وزیراعظم عمران خان  نے  پارلیمانی پارٹی اجلاس میں گفتگو کرتے ہوئے کہا کہ حکومت اور فوج میں کسی قسم کی کوئی غلط فہمی نہیں ہے،عسکری قیادت سے میرے سے زیادہ بہتر تعلقات کسی کے نہیں ہیں ،ڈی جی آئی ایس آئی کی تعیناتی میں تکنیکی خامی تھی جو ٹھیک ہو جائے گی، حکومت اور فوج میں کسی قسم کی کوئی غلط فہمی نہیں ہے۔

ذرائع کا کہنا ہے کہ ڈی جی آئی ایس آئی کی تعیناتی کے حوالے سے کوئی ابہام نہیں ہے، سب کچھ کلیر ہے، حکومت چاہتی تھی افغان صورتحال کے تناظر ڈی جی آئی ایس آئی کام جاری رکھتے لیکن  آرمی چیف جنرل قمر جاوید باجوہ  نے بتایا کہ آرمی ایکٹ میں اس بات کی مزید گنجائش نہیں ہے۔انہوں نے کہا کہ  نئے ڈی جی آئی ایس آئی کا نوٹیفکیشن جلد سے جلد جاری ہوجائے گا۔