لاہور بورڈکا  انٹرمیڈیٹ امتحانات کے نتائج کا اعلان

تفصیلات کے مطابق لاہور بورڈ نے  انٹر میڈیٹ امتحانات کے نتائج کا اعلان  کردیا ہے، چیئرمین لاہور بورڈ کا کہنا ہے کہ   تمام بچوں کو پاس کر دیا گیا ہے، کامیابی کا تناسب98.1فیصد رہا ، جبکہ ایک اعشاریہ آٹھ تین فیصد بچے فیل ہوئے ہیں  ، فیل ہونے والے بچے امتحان سے غیر حاضر ہونے کی وجہ سے فیل ہوئے  ہیں،  امتحان میں غیر حاضر  ہونے والے بچوں کا 27نومبر کو امتحان ہوگا ۔

  چیئر مین لاہور بورڈ کا کہنا تھا کہ   یہ امتحان لینا ہمارے لیئے بہت بڑا چیلنج تھا،  لاہور بورڈ      میں  ایک لاکھ نوے ہزار طلبا و طالبات کا امتحان لیا گیا ہے،   تین ہزار سے زائد سٹاف کی مدد سے اگزام کنڈکٹ کرایا گیا، این سی او سی کی ہدایت کے مطابق لاہور بورڈ نے کورونا ایس اوپیز کا خیال رکھا ،  پالیسی کے تحت الیکٹو مضامین کا امتحان کیا گیا تھا۔

ڈاکٹر مرزا حبیب علی   کا کہنا تھا کہ  جو بچے اس امتحان میں حاضر نہیں ہو سکے انکے  لئے ستائیس مومبر کو سپیشل امتحان ہو گا، کوئی بچہ غیر حاضر تھا اور جو بچے تیتیس فیصد نمبر کو قبول نہیں  کریں گے انکے لیے سپیشل امتحان ہو گا،  54ہزار پرائیویٹ جبکہ ایک لاکھ تیس ہزار ریگولر بچے تھے،  نوے ہزار  طلبا جبکہ چھیانوے ہزار  طالبات امتحان میں شامل ہوئیں،  31353  طلبہ نے اے پلس نمبر  حاصل کئے،23737 طلبہ نے اے گریڈ نمبر لئے جبکہ  29601طلبہ نے بی گریڈنمبر لئے ،35067طلبہ نے  سی گریڈ نمبر لئے ،  39219 طلبہ نے ڈی گریڈ میں نمبر لئے ،24347 طلبہ نے ای گریڈ میں نمبر لئے ہیں ۔