تفصیلات کے مطابق این اے 133 میں صبح 8 بجے شروع ہونے والی پولنگ شام 5 بجے تک کسی وقفے کے بغیر جاری رہی۔

پولنگ کے دوران امن و امان کی صورت حال کو برقرار رکھنے کے لیے 2 ہزار سے زائد پولیس اہلکار سکیورٹی کے فرائض انجام دے رہے ہیں جبکہ رینجرز اہلکار بھی گشت پر مامور ہیں۔

مسلم لیگ ن کی شائستہ پرویز ملک اور پیپلز پارٹی کے چوہدری اسلم گِل سمیت 11امیدوار میدان میں ہیں جبکہ حلقے میں ووٹر کی مجموعی تعداد 4 لاکھ 40 ہزار سے زائد ہے۔

الیکشن کمیشن کے مطابق این اے 133 میں کل 254 پولنگ اسٹیشنز قائم کیے گئے ہیں جس میں سے 199 کو حساس قرار دیا گیا ہے۔

خیال رہے کہ این اے 133 لاہور کی نشست مسلم لیگ (ن) کے ایم این اے محمد پرویز ملک کے انتقال کے باعث خالی ہوئی تھی۔

جمشید چیمہ اور ان کی اہلیہ کے کاغذات نامزدگی مسترد ہونے کے بعد حلقے میں پی ٹی آئی کا کوئی امیدوار میدان میں نہیں ہے جبکہ ن لیگ کی جانب سے پرویز ملک کی اہلیہ شائستہ پرویز ملک امیدوار ہیں جبکہ پیپلزپارٹی کے اسلم گل امیدوار ہیں،مسلم لیگ ن لیگ اور پیپلز پارٹی کے درمیان مقابلہ ہے۔

ذرائع کا کہنا ہے کہ اسٹیئرنگ کمیٹی نے  لانگ مارچ اور استعفوں کی حمایت میں سفارشات تیار کی ہیں،جس میں کہا گیا ہے کہ لانگ مارچ بھی ہونا چاہیئے اور استعفے بھی دینے چاہیئں،اسٹیئرنگ کمیٹی میں اس پر اتفاق ہوگیا ہے۔

ذرائع کا کہنا ہے کہ آج کے اجلاس میں یہ فیصلہ کیا گیا ہے کہ لانگ اور مارچ استعفے کب دینے چاہئیں؟اس کا وقت اور تاریخ کا تعین پی ڈی ایم سربراہی اجلاس میں ہوگا۔

اجلاس میں لانگ مارچ سے پہلے چاروں صوبوں میں کنونشن اوراحتجاجی جلسے کرنے پر اتفاق ہواہے۔

اجلاس میں یہ بھی طے ہوا ہے کہ آج کے اجلاس کی اسٹیئرنگ کمیٹی کی سفارشات کل پی ڈی ایم کے سربراہی اجلاس میں پیش کی جائیں گی۔

تفصیلات کے مطابق وہاڑی میں انتہائی افسوس ناک واقعہ سامنے آیا ہے جہاں  نامعلوم چوروں نے ڈپٹی کمشنرکمپلیکس میں نصب  بانی پاکستان  قائداعظم محمدعلی جناح کے مجسمے پر لگی عینک کو بھی نہ بخشا ۔ 

ضلعی انتظامیہ کے مطابق قائداعظم محمد علی جناح کا مجسمہ ڈپٹی کمشنر کمپلیکس میں نصب ہے جہاں اس پر لگائی گئی عینک نامعلوم چور لے اُڑے ہیں  پولیس کے مطابق واقعہ گزشتہ شب پیش آیا اور ڈپٹی کمشنر دفتر میں نصب کیمروں کی مدد سے چوروں کی تلاش شروع کردی ہے۔ 

وزیراعلیٰ پنجاب سردارعثمان بزدار نے بانی پاکستان قائد اعظم محمد علی جناح کے مجسمے سے عینک چوری ہونے کے واقعے کا سخت نوٹس لیتے ہوئے  کمشنر ملتان سے رپورٹ طلب کرلی ہے۔ 

وزیراعلیٰ عثمان بزدار نے کہا کہ قائداعظم جیسی عظیم ہستی کے مجسمے سے عینک چوری کرنا انتہائی افسوس ناک فعل ہے ۔ وزیراعلیٰ نے واقعہ میں ملوث عناصر کے خلاف قانونی کارروائی کا حکم دیتے ہوئے  ہدایت کی کہ قائد اعظم کے مجسمے پر فوری طور پر عینک لگائی جائے۔

 خیال رہے کہ اس سے قبل بہاولپور میں  ہاکی  اسٹار اولیمپئن  سمیع اللہ کے  مجسمہ سے ہاکی  اور گیندچوری کا واقعہ بھی سامنے آیا تھا۔