سارو گنگولی کی رمیز راجہ  کو آئی پی ایل کا فائنل دیکھنے کی دعوت ، ذرائع

ذرائع کے مطابق  پاکستان کرکٹ بورڈ (پی سی بی)  کے چئیرمین رمیز راجہ کی بھارتی ہم منصب سارو گنگولی سے ملاقات ہوئی ہے،   رمیز راجا کی سارو گنگولی سے ملاقات اے سی سی کے اجلاس کے دوران ہوئی،   ایشین کرکٹ کونسل کا اجلاس دبئی میں ہوا ۔

ذرائع کا کہنا ہے کہ  پی سی بی کے چیئرمین  رمیز راجہ کو آئی پی ایل کا فائنل دیکھنے کی دعوت دی گئی، کرکٹ بورڈز کے دو بڑوں کے درمیان غیر رسمی ملاقات میں خوشگوار ماحول میں ہوئی،  ملاقات میں ایشین بلاک اور باہمی کرکٹ کی بحالی پر تبادلہ خیال کیا گیا۔

چند روز قبل چیئرمین پی سی بی رمیز راجہ ایشین کرکٹ کونسل کے اجلاس میں شرکت کیلئے دبئی پہنچے تھے۔

واضح رہے کہ کرکٹ بورڈ کا چیئرمین بننے کے بعد یہ رمیز راجا کا پہلا غیرملکی دورہ اور اجلاس ہے جس میں وہ پاکستان کی نمائندگی کریں گے۔