رول آف لاء کا مطلب یہ ہے کہ انصاف سب کیلئے برابر ہوگا:فروغ نسیم

تفصیلات کے مطابق وفاقی وزیر قانون کا کہنا ہے کہ اچھے برے لوگ ہر جگہ ہوتے ہیں،ہمارے ادارے قابل احترام ہیں ہماری عدلیہ اور فوج ہمارے ادارے ہیں، سول بیورو کریسی کا ہم نے ساتھ دینا ہے،جس ملک میں سول بیورو کریسی نہ ہو وہ ملک نہیں چل سکتا۔

ان کا کہنا تھا کہ انصاف سب کے لئیے ہونا چاہیے،اوپر بیٹھے آدمی کا اگر احتساب نہ ہو تو ملک ترقی نہیں کرسکتا،اگر طاقت ور شخص کا انصاف نہیں ہوگا تو ملک آگے نہیں جائے گا،وکلا نے ضمیر کے مطابق کام کیا تو قوم ترقی کریگی ،وکلا کوقانون کے مطابق کام کرنا ہوگا۔

انہوں نے کہا ہے کہ سیمینار کرکے قانون کی عمل داری کی بات کرنا آسان ہے،جب قانون پر عمل کی بات ہوتی ہےتوہم مصلحت کا شکار ہوجاتے ہیں،عدالتوں کاکام مقدمات کے فیصلے کرناہے،حکومت کاکام نہیں،اداروں کااحترام ہم سب پر لازم ہے،ہمیں بطور قوم اپنا احتساب کرنا ہوگا۔

فروغ نسیم کا کہنا تھا کہ عدلیہ کی ریفارم کی بات کی تواعتراضات کیے گئے،قانون بنانے کی بات کی جائےتووکیل سب سے زیادہ اعتراض کرتے ہیں،عدالت میں جانے والے کو فیصلے کیلئےسالوں سال لگ جاتے ہیں،کسی کی شادی چھپی ہوئی کسی کی جائیداد کا مسلئہ یہ کیسز سالوں سال چلتے ہیں۔

ان کا کہنا تھا کہ وکلا کو اپنی اصلاحات کے فیصلے خود کرنا ہوں گے،جب تک  لا منسٹر ہو حق سچ کا ساتھ دوں گاجو حق کی بات نہیں ہوگی اسکا ساتھ نہیں دوں گا۔

وفاقی وزیر قانون کا کہنا تھا کہ کرمنل ریفارمز شروع کرنے جارہے ہیں،کرمنل ز لا کے لئیے نو ماہ میں فیصلہ کا قانون بنائیں گے۔

ان کا کہنا تھا کہ ماتحت عدالتیں فیصلہ نہیں دے پائیں گی تو اعلی عدلیہ کے جج کو جواب دینا ہوگا،ٹرائل کورٹ کے بعض جج بیان کو تبدیل کردیا کرتے تھے،ٹرائل کورٹ کے ایسےججز کو قتل بھی کیا گیاہے۔

انہوں نے کہا ہے کہ گواہان کے الیکٹرونکس طریقے سے بیانات ریکارڈ کئے جائیں گے،ججزکیس کواردواورعلاقائی زبان میں سنتے ہیں،فیصلہ انگلش میں کرتے ہیں،جسٹس مامون قاضی نے کہا تھا کہ انگریز ی اچھی نہیں ہوگی تو ترقی نہیں کرسکیں گے۔

ان کا مزید کہنا تھا کہ کریمنل ریفارمز میں تھانے کاایس ایچ اوکم از کم بی اے پاس ہوگا،پراسیکیوٹرفیصلہ کرےگاکہ ثبوت کافی ہیں یانہیں،فرانزک لیباٹری بھی بنائیں گےڈی این اے ٹیسٹنگ بھی گواہی میں شامل کریں گے۔