ٹی 20 ورلڈکپ کےوارم اپ میچ میں پاکستان نے ویسٹ انڈیزکوشکست دےدی

تفصیلات کے مطابق وارم اپ میچ میں ویسٹ انڈیزکپتان نے ٹاس جیت کر پہلے خود بیٹنگ کا فیصلہ کیا تاہم اوپنر ایک اچھا آغازفراہم کرنے میں ناکام رہے۔

حسن علی نے 12 رنز کےمجموعی اسکور پر ویسٹ انڈیز کےاوپنرآندرے فلیچر کو آؤٹ کیا جنہوں نے صرف 2 رنز بنائے تھے،ویسٹ انڈیز کے دوسرے اوپنر 30 کے مجموعے پر پویلین لوٹ گئے، انہیں شاہین شاہ آفریدی نے حارث رؤف کے ہاتھوں کیچ کروایا۔

حارث رؤف نے ٹی ٹوئنٹی کے خطرناک بلے باز کرس گیل کی وکٹیں اڑائیں جنہوں نے 30 گیندوں پر صرف 2 چوکوں کی مدد سے 20 رنز کی ایک سست اننگز کھیلی۔

ویسٹ انڈیز کی ٹیم نے مقررہ اوورز میں 7 وکٹوں پر 130 رنز بنائے، شمرون ہیٹمریے نے 28 اور کیرون پولارڈ نے آؤٹ ہوئے بغیر سب سے زیادہ 23 رنز بنائے۔

پاکستان کی جانب سے شاہین شاہ آفریدی، حسن علی اور حارث رؤف نے 2،2 وکٹیں حاصل کیں۔ پاکستان نے 131 رنزکاہدف 3 وکٹوں کےنقصان پر15.3 اوررزمیں حاصل کرلیا.

ایک آسان ہدف کے تعاقب میں پاکستان کے کپتان بابراعظم اور محمد رضوان نے پراعتماد آغاز کرتے ہوئے پہلی وکٹ میں 36 رنز بنائے،محمد ضوان آؤٹ ہونے والے پہلے بلے باز تھے، وہ 13 رنز بنا کر روی رام پال کی گیند پربولڈ آؤٹ ہوگئے۔

اس کےبعد بابراعظم اور فخر زمان نے ذمہ دارانہ بیٹنگ کا مظاہرہ کرتے ہوئے 58 رنزکی شراکت داری کی،بابر اعظم 50 رنزبنا کر آؤٹ ہونے والے دوسرے کھلاڑی تھے،انکی انگز میں چھ چوکے اور ایک چھکا شامل تھا۔

فخر زمان نے ناقابل شکست 46 رنز کی باری کھیلی،محمد حفیظ صفر رنز بنا کر آؤٹ ہوئے،جبکہ شعیب ملک نے 14 رنز بنائے،ویسٹ انڈیز کی جانب سے والش جونئیر نے 2 کھلاڑیوں کو آؤٹ کیا۔