کورونا ایس او پیز میں نرمی، عمرہ زائرین کی حرم شریف آمد

تفصیلات کے مطابق  مکہ مکرمہ میں ایک سال سے زائد عرصے بعد پہلی نماز جمعہ مکمل گنجائش کے ساتھ ادا کی جائے گی۔ سربراہ حرمین الشریفین شیخ عبدالرحمن السدیس نے انتظامیہ کو سہولتوں کی فراہمی کی ہدایت کی ہے۔

حرمین انتظامیہ کے مطابق مسجد الحرام کے مزید 50 دروزاے آج کھول دیے جائیں گے، مسجد الحرام کے اندرونی صحنوں و ملحق راہداریوں کی ہمہ وقت سینیٹائزنگ کی جا رہی ہے اور 4 ہزار سے زائد مرد و خواتین کارکنوں کو تعینات کر دیا گیا ہے۔

مسجد الحرام میں ماسک کا استعمال لازمی قرار دیا گیا ہے جبکہ درجۂ حرارت چیک کرنے والے تھرمل کیمرے نصب کیے گئے ہیں۔

خانہ کعبہ میں مختلف مقامات پر 50 ہزار سے زائد آبِ زم زم کی بوتلوں کا خصوصی انتظام بھی کیا گیا ہے۔

یہ بھی پڑھیں :سعودی عرب : عمرہ زائرین کیلئے کل سے عمرہ پرمٹ جاری کرنے کااعلان 

یاد رہے کہ عالمی وبا کورونا وائرس کے باعث مکہ مکرمہ اور مسجد نبوی ﷺ میں 17 اکتوبر کو تقریبا ڈیڑھ سال سے زائد عرصے بعد سماجی فاصلہ ختم کرکے نمازِ فجر ادا کی گئی تھی ۔ 

واضح رہے کہ سعودی عرب میں کرونا کے اثرات میں کمی کے بعد عالمی وبا کے حوالے سے اختیار کردہ ضوابط میں بتدریج نرمی لانے کا عمل شروع ہوگیا ہے۔ سعودی عرب کی وزارت داخلہ نے کھلے مقامات پر ماسک پہننے کی پابندی ختم کر دی ہے۔