پاکستان کی تاریخی  فتح، بابر اعظم کے والد جذبات پر قابو نہ رکھ سکے 

تفصیلات کے مطابق  میچ کے بعد سوشل میڈیا پر وائرل ہونے والی ویڈیو میں بابر اعظم کے والد کو دیکھا جاسکتا ہے جس میں  پاکستان کی فتح کے بعد خود پر قابو نہ رکھ سکے  اور جذبات کی رو میں بہتے نظر آئے ۔  ویڈیو میں  قومی کپتان کے والد کو آبدیدہ دیکھا جاسکتا ہے  جبکہ وہاں موجود شائقین انہیں مبارک باد دے رہے ہیں ، جن میں چاچا کرکٹ بھی شامل ہیں۔

بھارت کو پاکستان سے بدترین شکست کے بعد بابر اعظم کے والد کی ویڈیو وائرل#GNN #GNNUpdates pic.twitter.com/N0bwSBa8ag

— GNN (@gnnhdofficial) October 25, 2021

خیال رہے کہ آئی سی سی مینز ٹی ٹوئنٹی ورلڈکپ کے سپر 12 مرحلے میں پاکستان نے بھارت کو یکطرفہ مقابلے کے بعد 10 وکٹوں سے شکست دے کر تاریخی فتح حاصل کی ۔

بھارت کو آؤٹ کلاس کرنے کے بعد قومی ٹیم نے حریفوں کے لیے  بھی خطرے کی گھنٹی بجا دی ہے۔ کپتان بابراعظم اور محمد رضوان نے 152 ہدف کے تعاقب میں  شاندار بیٹنگ کرتے ہوئے نصف سنچریاں بنائیں۔ دونوں نے اننگز کے آغاز سے  بولرز پر دباؤ بنا رکھا اور میدان کے چاروں جانب شاندار اسٹروکس کھیل کر بھارتی ٹیم کے چھکے چھڑا دیے ۔