محمد رضوان نے آئی سی سی کو بھی اپنا مداح بنالیا

تفصیلات کے مطابق قومی کرکٹ ٹیم کے وکٹ کیپر اور بلے باز محمد رضوان نے آئی سی سی کو بھی اپنا دیوانہ بنالیا۔  سماجی رابطے کی ویب سائٹ ٹوئٹر پر  ایک ویڈیو میں آئی سی سی نے محمد رضوان  کی ایک ویڈیو شئیر کی ہے جس میں ان کے  میچ  پریکٹس اور میچ کے دوران  کھیلے گئے شاٹس  دکھائے گئے ہیں ۔  

محمد رضوان نے میچ میں بھارت کے باؤلرز کی وہی شاٹیں لگاکر دھلائی کی جس کی وہ پریکٹس کر رہے تھے ۔

ویڈیو کے عنوان میں آئی سی سی نے لکھا کہ خواب ، تصور اور تکمیل ، محمد رضوان کا ماسٹر پیس میچ سے پہلے ہی شروع ہوگیا تھا" ۔ 

Dream. Visualise. Execute.

Mohammad Rizwan’s masterpiece started before a ball was bowled ?#T20WorldCup #INDvPAK pic.twitter.com/o4m8biFhdP

— ICC (@ICC) October 25, 2021

یاد رہے کہ  گزشتہ روز محمد رضوان نے ٹی ٹوئنٹی میچز میں 100 کیچز  ورلڈ کپ میں  بھارت کے خلاف میچ میں مکمل کیے ۔ قومی ٹیم کے کپتان بابر اعظم اور محمد رضوان نے  بھارت کے خلاف عمدہ بیٹنگ کرتے ہوئے ٹی 20 میں پاکستان کی سب سے بڑی شراکت بھی بنا ڈالی ۔ 

پاکستان نے ورلڈکپ  کے پہلے مقابلے  میں بھارت کو چاروں شانے چت کرتے ہوئے 10 وکٹوں سے ہرادیا۔

واضح رہے کہ آئی سی سی مینز ٹی ٹوئنٹی ورلڈ کپ کا ساتواں ایڈیشن متحدہ عرب امارات اور عمان میں جاری ہے ۔