کسی مائی کے لعل  میں جرات  نہیں کہ ریاست کو بلیک میل کرسکے ، فواد چوہدری

وفاقی وزیر اطلاعات  فواد چوہدری کا کہنا ہے کہ  کالعدم ٹی ایل پی مذہبی جماعت   نہیں بلکہ ایک عسکریت پسند گروپ ہے، ٹی ایل پی  نے گزشتہ احتجا ج کے دوران 6پولیس اہلکاروں کو شہید کیا، کوئی ریاست پاکستان کو  کمزور  سمجھنے  کی کوشش  نہ  کرے، کسی صورت  یہ برداشت  نہیں کیا جائے گاکہ  کوئی ریاست کی رٹ چیلنج کرے۔

فوادچودھری نے کہا کہ  ریاست کے صبر کی حد ہوتی ہے،  ریاست نے ان کیخلاف بہت صبر کا مظاہرہ کیا،  کسی مائی کے لعل  میں جرات  نہیں کہ ریاست کو بلیک میل کرسکے۔وزیر اطلاعات نے مزید کہا کہ  وزیراعظم کی زیرصدارت کےاجلاس میں اس تنظیم کے خلاف کارروائی کا فیصلہ ہوا،   تمام اسٹیک ہولڈرز کی مشاورت اور رضا مندی کے بعد کالعدم تنظیم سے عسکریت پسند تنظیم کے طور پر نمٹنے کا فیصلہ کیا گیا ہے۔