ٹی ٹوئنٹی ورلڈ کپ: انگلینڈ نے بنگلا دیش کو شکست دیدی

تفصیلات کے مطابق ٹی 20 ورلڈ کپ کے سپر 12 مرحلے میں انگلینڈ نے بنگلا دیش کو 8 وکٹوں سے ہرا دیا ہے،  انگلینڈ نے 125 رنز کا ٹارگٹ صرف 2 وکٹوں کے نقصان پر پورا کر لیا۔ 

انگلینڈ کی  ٹیم نے مطلوبہ ہدف 2 وکٹوں کے نقصان پر 15ویں اوور میں باآسانی حاصل کرلیا۔انگلینڈ کی جانب سے  جیسن رائے نے شاندار نصف سنچری اسکور کی، ڈیوڈ ملان نے 28 رنز بنائے۔

بنگلہ دیش کی جانب سے شریف الاسلام اور ناسوم احمد نے ایک، ایک وکٹ حاصل کی۔

اس سے پہلے  بنگلہ دیش نے پہلے بیٹنگ کرتے ہوئے مقررہ اوورز میں 9 وکٹوں کے نقصان پر صرف 124 رنز بنائے تھے۔

بنگلہ دیش کی جانب سے مشفیق الرحیم 29، ناسوم اور محمود اللہ 19، 19 رنز بناسکے ہیں۔

انگلینڈ کے  ٹائمل ملز نے تین کھلاڑیوں کو آوٹ کیا  لیونگ اسٹون اور معین علی نے دو، دو وکٹیں حاصل کیں۔